Jeremías 13:26 - Q'eqchi Bible

²⁶ Laa'in ajwi' tatinkanab' chi yak'yo re naq taak'utunq laaxutaan.

Li Santil hu

²⁶ La̱in tincꞌut e̱xuta̱n ut ta̱cꞌutu̱nk chiruheb chixjunileb li incꞌaꞌ us li xeba̱nu.

Jeremías 13:26 ပူးပေါင်းရင်းမြစ်များ

Oseas 2:10

Ut anaqwan tinkanab' sa' xutaan chiruheb' li neke'rahink re, ut maajun chik taakoloq re sa' wuq'.

Lamentaciones 1:8

Q'axal xmaakob'k li tenamit Jerusalén, jo'kan naq xk'ulub' li tz'eqtaanaak. Jo'k'ihaleb' li xe'k'ehok xloq'al junxil, anaqwan neke'xtz'eqtaana, xb'aan naq xe'ril chi t'ust'u. Jo'kan naq nayaab'ak ut naxmuq rib' xb'aan xxutaan.

Ezequiel 23:29

Eb' a'an q'axal tate'xtz'eqtaana wi' chik, te'xmaq' chawu jo'ch'inal jo'nimal li xaweechani rik'in xmuxb'al aawib', ut tik t'ust'u tate'xkanab'. Xutaanal tatkanaaq ut taak'utunq laatz'i'b'eetal b'aanuhom, xb'aan naq xwulak chawu li yumb'eetak ut xak'e aawib' chi muxe'k.

Ezequiel 16:37

Jo'kan naq eb' li ke'rahink aawu sa' chixjunileb' li na'ajej, jo'k'ihaleb' li kak'ojob'eb' xch'ool jo' ajwi' eb' li katz'eqtaana, teb'inch'utub' chasutam, ut chiruheb' a'an tink'ut laaxutaan re naq tate'ril chi t'ust'uuqat.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Jeremías 49:10

Ab'an laa'in rek' xinkanab'eb' laj Esaú, xinkanab' chi kutankil li na'ajej neke'xmuq wi' rib' ut ink'a' chik te'ruuq wank chi muqmu. Chi junwaakaj xe'sachmank ruheb' li ralal xk'ajol, eb' li rech'alal jo'wi' eb' li rechkab'al; maajun chik naxye:

Nahum 3:5

Xyehom li Nimajwal Yos: “Xinchalk chak'eeb'al sa' xutaan: twisi laawaq' chawix ut tatinkanab' chi t'ust'u; tink'ut laaxutaan chiruheb' li xninqal ru tenamit.

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.