Jeremías 13:20 - Q'eqchi Bible

²⁰ “At Jerusalén, taqsi laawilob'aal ut k'e reetal naq sa' xjayal releb'l iq' yookeb' chaq chi chalk eb' li xik' neke'ilok aawe. B'ar xkoheb' li jun ch'uut chi karneer li xk'eemank chawil? B'ar wankeb' anaqwan eb' laachaq'alil ru karneer?

Li Santil hu

²⁰ Ilomak ut qꞌuehomak retal li yo̱queb chi cha̱lc saꞌ li norte. ¿Bar cuanqueb li chꞌinaꞌusil tenamit li queꞌkꞌaxtesi̱c saꞌ e̱rukꞌ re te̱rileb?—

Jeremías 13:20 ပူးပေါင်းရင်းမြစ်များ

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Jeremías 1:14

Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 10:22

Ab'ihomaq li esil a'in ut k'ehomaq reetal. chalk re jun nimla choqink, tz'aapixik rab'inkil; chalk chaq re sa' xjayal releb'l iq'. Chixjunileb' li tenamit sa' xteepal Judá te'sache'q ru ut te'kanaaq chi po'lem, cho'q xna'ajeb' laj xojb'.

Jeremías 1:15

Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

Jeremías 25:37

Li xchaq'alil ruheb' li pim xlaje'oso'k xb'aan xxamlel xjosq'il li Qaawa'.

Proverbios 14:28

Li awab'ej li nataqlank sa' xb'eeneb' k'iila tenamit nak'ehe'k xloq'al; a'ut xutaanal cho'q re, wi yal jun ch'ina ch'uut nataqlank wi'.