Jeremías 13:17 - Q'eqchi Bible

¹⁷ Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Li Santil hu

¹⁷ Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 13:17 ပူးပေါင်းရင်းမြစ်များ

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

Lamentaciones 2:18

Tijon chiru li Yos, at xnimal ru tenamit Sión. Kanab' chi elk li xya'al laawu jo' jun nima', chi q'eq ut chi kutan. Mathilank ut maakanab' yaab'ak!

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

1 Samuel 15:35

Laj Samuel ink'a' chik kiril ru laj Saúl chiru chixjunil li xyu'am. Nayaab'ak laj Samuel chirix laj Saúl xb'aan naq ra chik sa' xch'ool li Qaawa' naq kixxaqab' laj Saúl cho'q awab'ej re Israel.

Ezequiel 36:38

Jo' xk'ihaleb' li karneer mayejanb'il chiwu sa'eb' li ninq'e aran Jerusalén, jo'kanaq naq te'k'ihanq eb' li poyanam sa' li po'lem. Ut aran taanawmanq naq laa'in li Qaawa'»”.

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Jeremías 23:1

“Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.

Jeremías 22:5

Ab'anan, wi' ink'a' nekepaab' leeq'usb'al inb'aan, li xchaq'alil ru ochoch a'in po'lem taakanaaq wi'»”, chan li Qaawa'.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

Jeremías 15:17

Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Ezequiel 24:16

“At kaamel winq, chi maak'a' sa' laach'ool twisi chawu li q'axal raaro aab'aan, tinmaq' chawu laawixaqil. Ab'an laa'at matyaab'ak, miraho'k chi moko chimayoq laach'ool.

Lamentaciones 3:48

Chanchan roqha' li xya'al wu naq ninyaab'ak, xb'aan xsachik linraarookil tenamit.