Jeremías 13:11 - Q'eqchi Bible

¹¹ Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.

Li Santil hu

¹¹ Joꞌ nak li cui̱nk naxbacꞌ lix cꞌa̱mal xsaꞌ chi xsaꞌ, joꞌcan ajcuiꞌ raj nak xcuaj nak cauhakeb xchꞌo̱l lin tenamit cuiqꞌuin. Aꞌaneb raj lin tenamit. Aꞌaneb raj li teꞌqꞌuehok inlokꞌal ut teꞌxnima raj cuu. Abanan eb aꞌan incꞌaꞌ queꞌraj. Queꞌxkꞌet ban li cua̱tin.

Jeremías 13:11 ပူးပေါင်းရင်းမြစ်များ

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Isaías 43:21

Toja' naq li tenamit li kinkawresi cho'q we te'xb'icha linloq'al.

Salmos 81:11

Laa'in li Qaawa', laaYos, laa'in kin'isink chaq aawe sa' li tenamit Ejiipt. Chate laawe, ut laa'in tinnujob'resi.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Jeremías 32:20

Relik chi yaal naq xninqal eetalil ut sachb'ach'oolej kab'aanu chaq Ejiipt, ut chalen chaq junxil toj anaqwan yookat chi xb'aanunkil rik'ineb' laj Israel jo'wi' junsut junrub'el choxa; jo'kan naq q'axal nim laaloq'al jo' na'ilmank anaqwan.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Salmos 147:20

Ink'a' xb'aanu a'in re jun chik tenamit, chi moko xk'e chi xnaweb' junaq li xchaq'rab'. Aleluya!

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

Deuteronomio 4:7

Relik chi yaal, ma wank ta junaq nimla tenamit li wank li xyoseb' chi jwal nach' chi xk'atq jo' naq wank li Qaawa' li qaYos rajlal naq naqayaab'a xk'ab'a'?

San Lucas 10:11

«Li xpojtz'il leetenamit li xletz rib' chi qoq taaqachiq' cho'q eere. Ab'anan, chenawaq naq li xnimajwal awab'ejihom li Yos ak nach' wank».

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Jeremías 13:1

Li Qaawa' kixye we chi jo'ka'in: “Ayu, loq' chaq junaq aak'aamalsa' liino ut b'ak' chasa', ab'an maat'aqresi sa' ha'”, chan.

Jeremías 13:12

“Ye ajwi' li jaljookil ru aatin a'in reheb': «Jo'ka'in xye li Qaawa', li xYos laj Israel: Chixjunileb' li kuk neke'nujob'resiik chi b'iin». Ut eb' laj Israel tate'xsume chi jo'ka'in: «Ma ink'a' tab'i' naqanaw naq chixjunil li kuk nanujob'resiik chi b'iin?», cha'qeb'.

Amós 3:1

Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt:

Deuteronomio 26:19

A'an tixterq'usi laaloq'al, laak'ab'a' ut laawankil sa' xb'een chixjunileb' li tenamit li kixyoob'tesi, ut laa'ataq jun tenamit q'axtesinb'ilaq cho'q re li Qaawa' laaYos, jo' chanru kixye aawe A'an”.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.