Jeremías 12:6 - Q'eqchi Bible

⁶ A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

Li Santil hu

⁶ Eb la̱ cuas ut eb la̱ cui̱tzꞌin yo̱queb chabalakꞌinquil. La̱ cuechꞌalal xeꞌxjunaji ribeb riqꞌuineb li yo̱queb chixcꞌu̱banquil ru chanru nak teꞌxba̱nu raylal a̱cue. Ma̱cꞌojob a̱chꞌo̱l riqꞌuineb, usta cha̱bil nequeꞌa̱tinac a̱cuiqꞌuin.

Jeremías 12:6 ပူးပေါင်းရင်းမြစ်များ

Proverbios 26:25

Maapaab' naq tatraatina sa' q'unil aatin, xb'aan naq k'ajo' li maa'usilal wank sa' xch'ool.

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Salmos 12:2

Choohaakol taxaq, at Qaawa', xb'aan naq maajun chik chaab'il; xlaje'oso'k chixjunileb' li tiikeb' xch'ool.

San Mateo 10:21

“Li asb'ej tixq'axtesi chi kamsiik li riitz'in, li yuwa'b'ej a' li ralal; ut eb' li alalb'ej te'wakliiq chi xkamsinkil xna' xyuwa'.

Jeremías 11:21

Jo'ka'in li Nimajwal Yos kiraqok aatin chirixeb' laj Anatot li ke'raj inkamsinkil rik'in xyeeb'al: “Mat-aatinak sa' xk'ab'a' li Qaawa', re naq ink'a' tatqakamsi”, chankeb'.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Salmos 69:8

Sa' aak'ab'a' laa'at xink'ul hob'e'k, ut xutaanal xinkanaak.

Li xHu LAJ JOB 6:15

Ab'an laa'ex, ex was wiitz'in, xineeb'alaq'i jo' junaq roq nima': wank nachaqik ut wank nab'ut'irk.

San Juan 7:5

Xb'aan naq chi moko eb' li rech'alal neke'paab'ank re.

San Marcos 12:12

Eb' a'an ke'ok chi xsik'b'al chan raj ru naq te'xchap, xb'aan naq ke'xtaw ru naq cho'q reheb' kixye li jaljookil ru aatin; ab'an ke'xxiwa ruheb' li tenamit. Jo'kan naq ke'xkanab' ut koheb'.

Isaías 31:4

Jo'ka'in kixye we li Qaawa': “Jo' naq li kaqkoj malaj li ral naxjap re sa' xb'een li xtzak ut ink'a' naxxiwa ruheb' laj ilol ketomq us ta te'xch'utub' rib' re raanilasinkil ut japjo'q reheb' chirix, jo'kan ajwi' naq taachalq li Nimajwal Yos chi yalok sa' li tzuul Sión.

Hechos 16:22

Toja' naq eb' li poyanam ke'wakliik chi xjitb'aleb', ut eb' laj raqol aatin ke'xtaqla xq'ichb'al li raq'eb' ut xrapb'aleb' chi ruq' che'.

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.

Salmos 12:3

Ka'aj chik tik'ti' naxye li junjunq re li ras riitz'in, neke'q'unb'esink rik'in xchaq'alil ru aatin ut b'alaq'il.

Proverbios 23:8

Moqon chik taaxa'wa li k'aru xatzeka, ut maak'a' x'ok wi' naq xaye chaab'il aatin re.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.