Jeremías 12:13 - Q'eqchi Bible

¹³ Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Li Santil hu

¹³ Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Jeremías 12:13 ပူးပေါင်းရင်းမြစ်များ

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Miqueas 6:15

Tat-awq, ab'an maak'a' taaxok; tatyatz'oq ru li oliiw, ab'an maak'a' taataw; tatyatz'oq uub', ab'an ink'a' tat-uk'aq b'iin.

Deuteronomio 28:38

Naab'al li iyaj taawaw chaq sa' laak'aleb'aal ut b'a'b'ay ajwi' li ru taaxok, xb'aan naq laj saak' tixchoy chixjunil.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Habacuc 2:13

Ab'an li Nimajwal Yos ink'a' tixk'e xwankil laak'anjel, ut maak'a' na'ok wi' li k'aru xatawasi wi' aawib', xb'aan naq chixjunil li xab'aanu taa'oso'q chi junwaakaj xb'aan li xam.

Jeremías 4:26

Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Salmos 78:62

Kichalk xjosq'il sa' xb'een li tenamit sik'b'il ru xb'aan, ut kixk'eheb' chi kamsiik xb'aaneb' laj xik'il uuchineleb'.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Hageo 1:9

Naab'al raj nekeraj, ab'an b'a'b'ay ajwi' neketaw. Ut li xek'uula sa' leerochoch, laa'in xinkuti chi najt. Ma nekenaw k'a'ut? Xb'aan naq toj po'lem linsantil ochoch, ut laa'ex chejunjunqal naxik eech'ool chirix leerochoch.