Jeremías 12:12 - Q'eqchi Bible

¹² Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Li Santil hu

¹² Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Jeremías 12:12 ပူးပေါင်းရင်းမြစ်များ

Amós 9:4

Wi te'xik chi preexil sa' najtil tenamit xb'aaneb' li xik' neke'ilok reheb', tintaqla xkamsinkileb' rik'in q'esnal ch'iich'; ut junelik wanq li wilob'aal chi rilb'aleb' re xsachb'aleb', maawa' re rusilankileb'”.

Jeremías 47:6

At xch'iich' li Qaawa', toj jo'q'e tatch'anaaq chi kamsink? Ch'ik wi' chik aawib' sa' laawochoch, hilan b'ayaq ut wanqat sa' xyaalal.

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

Apocalipsis 6:4

Toja' naq ki'elk jun chik kawaay, kaq rix, ut li k'ojk'o chi xb'een kik'ehe'k xwankil re risinkil li tuqtuukilal sa' ruuchich'och', re naq te'xkamsi rib' chirib'ileb' rib' eb' li winq; ut kiq'axtesiik re jun li nimla jutz' ch'iich'.

Sofonías 2:12

“Jo'kan ajwi' tinb'aanu eere laa'ex aj Etiopía: tex'oso'q xb'aan linq'esnal ch'iich'”, chan li Yos.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Jeremías 48:2

Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Jeremías 3:2

Taqsi laawilob'aal sa' xjayal eb' li tzuul ut k'e reetal: ma wank junaq na'ajej ink'a' xatyumb'eetak wi'? Chire b'e xachunub' aawib' royb'eninkileb' li neke'rahink aawu, chanchanat junaq ixq aj Arabia sa' li junesal na'ajej, ut xatz'ajni ru chixjunil li tenamit rik'in laamaa'usilal ut yumb'eetak.

Isaías 57:21

Maak'a' li tuqtuukilal cho'q reheb' li ink'a' useb' xna'leb'”, chan linYos.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Deuteronomio 32:42

Tint'aqresiheb' sa' kik' linsimaj, ut linch'iich' taanujaq chi tib': xkik'el li kamenaqeb' ut eb' li preex, xjolomeb' aj k'amol xb'eheb' li xik' neke'ilok qe».

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 30:5

Li Qaawa' kixye chi jo'ka'in: “Na'ab'imank japok e xb'aan xiwak ut xiwxiwil wank; maak'a' li tuqtuukil usilal.

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Lamentaciones 3:17

Maak'a' chik tuqtuukil usilal sa' li waanm ut xsachk sa' inch'ool k'aru li sahil ch'oolej.

Ezequiel 21:4

Relik chi yaal naq twisi chaq linq'esnal ch'iich' ut tinkamsi chixjunileb', li tiikeb' xch'ool ut eb' laj maak, chalen chaq sa' releb'l iq' toj sa' li rokeb'l.

Ezequiel 21:28

“At kaamel winq, aatinan sa' ink'ab'a' ut ye reheb' laj Amón li neke'xse'e eb' laj Israel: «Li q'esnal ch'iich' ak q'esnanb'il ut ak yo'oon wank re kamsink; ak lemtz'unb'il ru re naq replotq rilb'al naq taasachoq».

Jeremías 8:15

Xqoyb'eni wank sa' tuqtuukilal, ut maajun usilal xqataw. Xqayo'oni li kawilal, ut a' li xiwak xchalk sa' qab'een.

Ezequiel 21:8

Li Qaawa' ki'aatinak wik'in ut kixye we:

Ezequiel 21:9

“At kaamel winq, aatinan sa' ink'ab'a' ut ye naq laa'in, li Qaawa', xintaqlank chaq aawe chi xyeeb'al: «Ak q'esnanb'il li ch'iich' ut nalemtz'unk li ru.