Jeremías 12:1 - Q'eqchi Bible

¹ At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Li Santil hu

¹ Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Jeremías 12:1 ပူးပေါင်းရင်းမြစ်များ

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.

Salmos 92:7

Li maak'a' xna'leb' ink'a' naxk'e reetal a'an ut li jip aj winq ink'a' naru xtawb'al xyaalal.

Salmos 37:1

Xsaalm laj David. Michalk aak'a'uxl xb'aaneb' li ink'a' useb' xna'leb', maakaqali eb' li ink'a' neke'xb'aanu li tiikilal.

Daniel 9:7

«At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Li xHu LAJ JOB 12:6

Saheb' sa' xch'ool eb' laj elq' sa' rochocheb'; sa wankeb' li neke'xtz'eqtaana li Yos: sa' xch'ooleb' naq li Yos wank rub'el roqeb'!

Habacuc 1:4

Ink'a' napaab'aak li chaq'rab' ut ink'a' chik na'uxmank li tiikilal. Li ink'a' us xna'leb' naxch'i'ch'i'i li tiik xch'ool ut naxjal xyaalal li k'ulub'ej.

Salmos 51:4

chawisi chi junwaakaj li ink'a' us xinb'aanu ut chinaach'ajob'resi chiru linmaa'usilal.

Salmos 37:35

Ak wilom li ink'a' us xch'ool chi xnimob'resinkil rib', chanchan jun nimla tz'unu'j che' naq xxaqab' rib';

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Jeremías 12:6

A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

Jeremías 5:11

Laj Israel ut laj Judá relik chi yaal naq xine'xtz'eqtaana”, chan li Qaawa'.

Li xHu LAJ JOB 13:3

Ab'an nawaj aatinak rik'in li Nimajwal Yos; rik'in a'an nawaj jitok,

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Isaías 48:8

Ink'a' aawab'ihom resil a'an chi moko aanawom, xb'aan naq tz'aptz'o laaxik chi junelik. Ak ninnaw laa'in naq moko tiik ta laach'ool, jo'kan naq: «Aj q'etol aatin» nakak'ab'a'in chalen chaq sa' laasiyajik.

Isaías 41:21

Kimqex chi xkolb'al eerib', chan li Qaawa'. K'utomaq chiwu leeb'aanuhom, chan li x'Awab'ej laj Jakob.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Salmos 119:137

At Qaawa', jwal tiik laach'ool; k'ajo' naq nakatraqok aatin sa' tiikilal!

Salmos 119:75

At Qaawa', ch'olch'o chiwu naq nakatraqok aatin sa' tiikilal ut wank xyaalal naq nikinaarahob'tesi.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Nehemías 9:33

Laa'at tiik laach'ool ut paab'ajelat sa' chixjunil li kichalk sa' qab'een, a'ut laa'o koomaakob'k.

Salmos 116:5

Q'un ut tiik xch'ool li Qaawa', k'ajo' xnimal li ruxtaan li qaYos.

Eclesiastés 8:14

Sa' li ruuchich'och' a'in wank jun chik li maak'a' rajb'al: wankeb' li chaab'ileb' xch'ool neke'xk'ul li xk'ulub'eb' raj laj maak, ut wankeb' laj maak neke'xk'ul li xk'ulub'eb' li tiikeb' xch'ool. Ut laa'in ninye naq a'in ajwi' maak'a' xyaalal!

Jeremías 3:7

Sa' inch'ool laa'in naq, chirix chixjunil a'an, taasutq'iiq chaq wik'in, ab'an ink'a' kisutq'iik chaq. Naq laj Judá, laj b'alaq', kiril a'an,

Jeremías 3:20

Ab'anan jo' junaq ixq naxb'alaq'i li xb'eelom, jo'kan ajwi' naq xineeb'alaq'i laa'ex aj Israel -chan li Qaawa'-.

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 32:16

“Naq ak xinq'axtesi re laj Baruk, ralal laj Nerías, li xhuhul li ch'och' xinloq', xintijok chiru li Qaawa' chi jo'ka'in:

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Ezequiel 18:25

Ut wi laa'ex teeye: «Moko us ta naxb'aanu li Qaawa'», ab'ihomaq, ex aj Israel: Ma ink'a' us li ninb'aanu? Ma ink'a' tab'i' laa'ex li ink'a' us yookex xb'aanunkil?

Li xHu LAJ JOB 8:17

naxb'ach'le rib' li xxe' sa' xyanqeb' li pek ut naxchap rib' chiru li tz'ak naq yo li saq'e.

Li xHu LAJ JOB 24:12

Sa' li tenamit neke'tz'uyuynak li elkeb' re xch'ool, ut eb' li tiq'ilk neke'xpatz' xtenq'ankileb', ab'an li Yos ink'a' narab'i li xtijeb'.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

Daniel 9:14

Jo'kan naq li Qaawa' kixk'uub' chi junxilaj li rahilal a'in ut anaqwan xtaqla chaq sa' qab'een, xb'aan naq tiik xch'ool li Qaawa' li qaYos ut laa'o ink'a' xqaj rab'inkil li xyaab' xkux.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.