Jeremías 11:9 - Q'eqchi Bible

⁹ Li Qaawa' kixye wi' chik we: “Eb' laj Judá ut eb' laj Jerusalén xe'xk'amchi'i rib' chintz'eqtaanankil.

Li Santil hu

⁹ Li Ka̱cuaꞌ quixye: —Eb li cuanqueb Judá ut eb li cuanqueb Jerusalén yo̱queb chixcꞌu̱banquil chanru nak tineꞌxtzꞌekta̱na.

Jeremías 11:9 ပူးပေါင်းရင်းမြစ်များ

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

San Juan 11:53

Ut chalen sa' li kutan a'an ke'xk'uub' xkamsinkil.

San Mateo 26:15

“K'aru teeraj xk'eeb'al we ut laa'in tinq'axtesi li Jesus eere?”, chan reheb'. Eb' a'an ke'xsume xk'eeb'al lajeeb' xka'k'aal chi tumin plaat re.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.