Jeremías 11:7 - Q'eqchi Bible

⁷ Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Li Santil hu

⁷ Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Jeremías 11:7 ပူးပေါင်းရင်းမြစ်များ

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

1 Samuel 8:9

Jo'kan b'i', paab' li yookeb' chi xtz'aamankil chawu, ab'anan xb'enwa ch'olob' ut k'ut chiruheb' chanru li wank rub'el xwankil junaq awab'ej”.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

2 Ts 3:12

Eb' a'an naqachaq'rab'i ut naqajultika reheb' sa' xk'ab'a' li Qaawa' Jesukriist naq che'k'anjelaq sa' xyaalalil re naq te'xtaw xwaheb'.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 25:4

Li Qaawa' ajwi' k'iila wa kixtaqla chaq eb' li xpropeet eerik'in, ab'an laa'ex ink'a' kex'abink chiruheb' chi moko kepaab'eb':

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Deuteronomio 8:6

“Chak'uula sa' laach'ool eb' li xchaq'rab' li Qaawa' laaYos, chataaqe li xb'e ut chawoxloq'iiq.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 35:14

Eb' laj Jonadab, li ralal laj Rekab, xe'xpaab' li xchaq'rab'ihom li xxe'toonil yuwa'eb' ut chalen toj anaqwan ink'a' neke'uk'ak b'iin, xb'aan naq neke'xk'e sa' xch'ooleb' li raatin li xxe'toonil yuwa'eb'. Laa'in ajwi' k'iila sut xinye eere k'aru teeb'aanu, ab'anan tik ink'a' nikineepaab'.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

2 Reyes 17:13

Li Qaawa' kixq'useb' laj Israel ut eb' laj Judá chi xtz'uumal reheb' li propeet ut eb' li xtaql, naq kixye reheb': “Kanab'omaq xb'aanunkil li maa'usilal ut b'aanuhomaq li naxye linchaq'rab'. Paab'omaq lintaqlahom ut li waatin li kintijeb' wi' leena' leeyuwa' ut kink'ut cheru laa'ex chi xtz'uumal reheb' li propeet aj k'anjeleb' chiwu”.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Jeremías 34:14

Rajlal wuqub' chihab' chejunilex teekanab' chi ach'ab'anb'il leeras eeriitz'in aj Hebreo. Li junjunq aj Hebreo li xk'ayi rib' cheru taak'anjelaq waqib' chihab' cho'q eemun, ut chirix a'an taawanq chi ach'ab'anb'il, chankin. A'ut eb' leena' leeyuwa' ink'a' kine'xpaab' chi moko ke'raj wab'inkil.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.