Jeremías 11:20 - Q'eqchi Bible

²⁰ A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Li Santil hu

²⁰ Abanan la̱at, at Ka̱cuaꞌ at nimajcual Dios, la̱at nacatrakoc a̱tin saꞌ ti̱quilal. La̱at nacanau chanru xnaꞌleb li junju̱nk ut cꞌaꞌru cuan saꞌ xcꞌaꞌuxeb. Nacuaj nacuil nak ta̱qꞌue re̱kaj reheb li ma̱usilal nequeꞌxba̱nu. La̱in nincanab cuib saꞌ a̱cuukꞌ la̱at.

Jeremías 11:20 ပူးပေါင်းရင်းမြစ်များ

Jeremías 20:12

At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Jeremías 15:15

At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

1 Pedro 2:23

Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 57:1

Re li xjolomileb' laj b'ichanel. “Matsachok”. Xsaalm laj David, naq ki'elelik chiru laj Saúl ut koxmuq rib' sa' li ochoch pek.

Salmos 35:2

Chap li koleb' ib' ut li ramleb' ch'iich', ut xaqlin chaq chintenq'ankil.

Li xHu LAJ JOB 5:8

Wi laa'in ta laa'at, ak xinsik' raj intenq'ankil rik'in li Yos.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

1 Samuel 24:15

A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

Salmos 7:8

Chisutuq aawe li xnimal xch'utameb' li tenamit, ut laa'at k'ojlan sa' xb'eeneb' toj taqe'q.

Salmos 58:10

Che'k'ate'q kama'eb' li k'ix chi toj maji' neke'xk'e reetal; che'isiiq chi junajwa kama' li k'im nasaapuuk chi toj rax xb'aan li kawil iq'!

Salmos 139:23

At Qaawa', chatz'ili wix ut chawil chanru linch'ool; chayal wix re xnawb'al chixjunil li naweek'a.

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

Ezequiel 11:5

Sa' li honal a'an li xmusiq' li Yos kinreechani ut kinxtaqla chi xyeeb'al reheb' laj Israel: “Jo'ka'in xye li Qaawa': «A'an a'in li nekek'oxla, ex aj Israel. Ninnaw chi us leek'a'uxl.

2 Reyes 19:14

Laj Esekías kixk'ul li hu chi ruq'eb' li xtaql li awab'ej ut kiril xsa'. Chirix chik a'an koho sa' rochoch li Yos, kixte li hu chiru li Qaawa'

Salmos 7:10

Laa'at li nakatnawok re li wank sa' li ch'oolej, laa'at nakawil li wank sa' xchamal li qaanm, chak'e taxaq chi ch'anaak li xmaa'usilaleb' li ink'a' useb' xna'leb'; chak'e xkawub' xpaab'aal eb' li tiikeb' xyu'am, at inYos li q'axal tiik aach'ool.

Lamentaciones 3:58

At Qaawa', xinaatenq'a ut xakol linyu'am.

Lamentaciones 3:59

Xak'e reetal li rahilal xe'xb'aanu we chi maak'a' inmaak; raqon aatin chiwix sa' tiikilal.

Lamentaciones 3:64

At Qaawa', eeqajun sa' xb'eeneb' jo' chanru xk'ulub'eb'.