Jeremías 10:5 - Q'eqchi Bible

⁵ Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

Li Santil hu

⁵ Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Jeremías 10:5 ပူးပေါင်းရင်းမြစ်များ

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

1 Corintios 12:2

Nekenaw chi us naq, jo'q'e maak'a' chaq leepaab'aal, nekek'e eerib' chi k'ame'k yalaq chanru chirixeb' li memil yos.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Habacuc 2:19

Ra chaalel sa' aab'een laa'at li nakatyehok: “Ajsi aawu”, chankat re jun tolol chi che'. “Waklin”, chankat re jun li pek ink'a' na'aatinak. Ma naru tab'i' taa'aatinaq? Us ta nujob'resinb'il chi oor ut plaat, maak'a' jun tz'uqukaq yu'am rik'in.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

1 Reyes 18:26

Ke'xchap li saaj wakax li kik'eemank reheb', ke'xk'uub' ut ke'xyaab'a xk'ab'a' laj Bahal chalen eq'la toj wa'leb': “At Bahal, choohaawab'i chaq!”, chankeb' naq yookeb' chi piitzank chi xk'atq li artal ke'xyiib'. Ab'an maajun kisumenk chaq reheb'.

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Deuteronomio 4:28

Aran teeloq'oni ruheb' li yos xyiib'ahomeb' li winq rik'in che' ut pek, li ink'a' neke'ilok chi moko neke'ab'ink, ink'a' neke'tzekank ut maak'a' neke'reek'a.

2 Crónicas 25:15

K'ajo' naq kijosq'o'k li Qaawa' rik'in laj Amasías, ut kixtaqla chaq jun li propeet re xyeeb'al re: “K'a'ut naq xak'e cho'q aaYos li xyoseb' li tenamit a'an li ink'a' xe'ruhank chi xkolb'aleb' sa' laawuq' li xpoyanameb'?”.

Isaías 16:12

Us ta te'xtawasi rib'eb' laj Mohab chi taqsink toj sa' xb'eeneb' li tzuul ut te'tijoq aran jo' ajwi' sa' li xtijob'aaleb', maak'a' rajb'al naq te'tz'aamanq te'elajinq.