Jeremías 10:25 - Q'eqchi Bible

²⁵ Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Li Santil hu

²⁵ Isi la̱ joskꞌil saꞌ xbe̱neb li xni̱nkal ru tenamit li incꞌaꞌ nacateꞌxlokꞌoni. Isi la̱ joskꞌil saꞌ xbe̱neb li incꞌaꞌ nequeꞌxya̱ba la̱ cꞌabaꞌ xban nak queꞌxsach ruheb li ralal xcꞌajol laj Jacob. Queꞌxsach ruheb chixjunileb ut queꞌxsach ajcuiꞌ lix naꞌajeb.—

Jeremías 10:25 ပူးပေါင်းရင်းမြစ်များ

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Li xHu LAJ JOB 18:21

Jo'ka'in naq na'oso'k li xyu'ameb' li ink'a' useb' xna'leb', a'eb' li neke'tz'eqtaanank re li Yos.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

1 Ts 4:5

ut ink'a' k'amb'ilaq yal xb'aan ratawankil ru malaj xb'aan li yib' aj na'leb', jo' neke'xb'aanu eb' li junch'ol li ink'a' neke'xnaw ru li Yos.

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

Salmos 27:2

Naq neke'chalk sa' inb'een laj b'aanuhom maa'usilal ut eb' li xik' neke'ilok we neke'raj insachb'al, eb' a'an chik te'tichk'oq ut te't'ane'q.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.

Isaías 64:7

Maajun junaq napatz'ok laak'ab'a', chi moko naxyal xq'e chi xsik'b'al laatenq'aal, xb'aan naq xamuq aawib' chiqu ut xoohaakanab' rub'el xwankilal li qamaa'usilal.

Isaías 43:22

“Ab'an laa'at, a Jakob, ink'a' xapatz' link'ab'a', xattitz'k b'an inb'aan, a Israel.

Apocalipsis 16:1

Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

Salmos 69:24

Chimoyonq xsa' ruheb' ut ink'a' ta chik te'iloq, chak'e chi lajk xmetz'eweb' chi junelik.

Salmos 147:20

Ink'a' xb'aanu a'in re jun chik tenamit, chi moko xk'e chi xnaweb' junaq li xchaq'rab'. Aleluya!

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Jeremías 11:1

Laa'in, laj Jeremías, kinraatina li Qaawa' ut kixye we chi jo'ka'in:

Jeremías 30:16

Ab'anan te'sache'q ru jo'k'ihaleb' li neke'rahob'tesink aawe, ut chixjunileb' li xik' neke'ilok aawe te'xik chi preexil. Taa'elq'aaq chixjunil li k'a'aq re ru reheb' li xe'elq'ank aawe; ut eb' li xe'maq'ok k'a'aq re ru aawe, taamaq'manq ajwi' chiruheb' li k'aru reheb'.