Jeremías 1:2 - Q'eqchi Bible

² Ak oxlaju chihab' rokik laj Josías, ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'.

Li Santil hu

² Yo̱ oxlaju chihab roquic chi cꞌanjelac laj Josías ralal laj Amón chokꞌ xreyeb laj Judá nak li Ka̱cuaꞌ Dios quia̱tinac riqꞌuin laj Jeremías.

Jeremías 1:2 ပူးပေါင်းရင်းမြစ်များ

Miqueas 1:1

A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.

Jonás 1:1

Li Qaawa' kiraatina laj Jonás, ralal laj Amitay, ut kixye re:

Oseas 1:1

A'an a'in li aatin kixye li Qaawa' re laj Oseas, ralal laj Beherí, naq laj Osías, laj Jotán, laj Ajás ut laj Esekías ke'awab'ejink sa' xb'eeneb' laj Judá, ut laj Jerobohán, ralal laj Johás, kiwank cho'q awab'ej re Israel.

Jeremías 1:11

Moqon chik li Qaawa' kinraatina chi jo'ka'in: “K'aru yookat chi rilb'al, a Jeremías?”. Kinchaq'ok ut kinye: “Yookin chi rilb'al jun ruq' li che' almeendr, a' li «che' re yo'lenk» nayeemank re”.

Jeremías 1:4

Toja' naq li Qaawa' ki'aatinak wik'in ut kixye we:

1 Reyes 13:20

Ut naq chunchuukeb' sa' meex, li raatin li Qaawa' kichalk rik'in li tiixil propeet li kisutq'isink re li xtaql li Yos li kichalk chaq Judá.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

2 Reyes 21:24

Ab'anan eb' laj Judá ke'xkamsi chixjunileb' li ke'k'uub'ank re xkamsinkil laj Amón li awab'ej, ut a' chik laj Josías li ralal ke'xxaqab' cho'q awab'ej sa' xna'aj.

1 Reyes 13:2

Ut ki'aatinak chirix li artal chi kaw xyaab' xkux, jo' kiyehe'k re xb'aan li Qaawa': “At artal, at artal, jo'ka'in xye li Qaawa': «Sa' xyanqeb' li ralal xk'ajol laj David taayo'laaq jun k'uula'al, aj Josías xk'ab'a'. A'an tixmayeja sa' aab'een eb' laj tij li wankeb' sa'eb' li tijob'aal sa' xjolomeb' li tzuul, a'eb' li neke'k'atok pom sa' aab'een. Taak'atoq chik xb'aqeleb' kamenaq poyanam sa' aab'een»”.

2 Reyes 21:18

Naq laj Manasés kiq'ajk kisutq'iik rik'ineb' li xxe'toonil yuwa', kimuqe'k sa' xyanq li ruutz'u'ujil li rochoch, sa' rawimq laj Usá, ut a' chik laj Amón li ralal kikanaak chi awab'ejink sa' xna'aj.

2 Reyes 22:3

Ak waqxaqlaju chihab' rokik chi awab'ejink laj Josías, naq li awab'ej kixtaqla laj Safán, aj tz'iib' chiru, ralal laj Asalías ut ri laj Mesulán, sa' rochoch li Qaawa'. Laj Josías kixye re laj Safán chi jo'ka'in:

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Jeremías 28:12

Ut naq laj Ananías ak xtoqi li b'itche' wank chirix xkux laj Jeremías, li Qaawa' kiraatina wi' chik li propeet ut kixye re chi jo'ka'in:

Joel 1:1

A'an a'in li raatin li Qaawa' li kixye re laj Joel, ralal laj Petwel.

Sofonías 1:1

A'an a'in li raatin li Qaawa' li kiyehe'k re laj Sofonías, ralal laj Kusí, ralal laj Kedalías, ralal laj Amarías, ralal laj Esekías, sa'eb' li kutan naq laj Josías, ralal laj Amón, wan chaq cho'q awab'ej re Judá.