Jeremías 1:18 - Q'eqchi Bible

¹⁸ Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Li Santil hu

¹⁸ Anakcuan tinqꞌue a̱cacuilal joꞌ jun li tenamit cauresinbil chi pletic. Chanchanakat xcacuil li okech chꞌi̱chꞌ malaj ut li tzꞌac chꞌi̱chꞌ. Ut la̱at ta̱ye reheb chixjunileb li cuanqueb Judá nak incꞌaꞌ us yo̱queb. Ta̱ye ajcuiꞌ reheb li rey ut eb laj tij.

Jeremías 1:18 ပူးပေါင်းရင်းမြစ်များ

Isaías 50:7

Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Jeremías 6:27

Jo'ka'in kixye we li Qaawa': “Xatinxaqab' sa' lintenamit re taawil ut taatz'il rix li neke'xb'aanu, jo' naxb'aanu li nayalok li oor”.

Jeremías 37:7

“Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Jeremías 38:2

“Jo'ka'in xye li Qaawa': «Li ani taakanaaq sa' li tenamit a'in taakamsiiq chi q'esnal ch'iich', malaj taakamq xb'aan li we'ej malaj ut xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha, a'an tixkol li xyu'am ut us taa'elq».

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Jeremías 34:3

Ut laa'at ink'a' tatkole'q chiru: relik chi yaal naq tate'xchap ut tatq'axtesiiq sa' ruq'; ut naq akaq xawil rik'in aawu li awab'ej re Babilonia ut xex'aatinak cherib'il eerib', tatk'ame'q sa' li tenamit a'an.

Jeremías 21:4

«Jo'ka'in xye li Qaawa', xYos laj Israel: Laa'in tink'eheb' chi elelik laasoldaad chiruheb' laj Babilonia ut chiruheb' laj Kaldeha li yookeb' chi yalok eerik'in chirix li xsuttz'akil li tenamit, ut tolinch'utub'eb' sa' li tenamit a'in.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

Jeremías 38:18

Ab'an wi ink'a' taaq'axtesi aawib' sa' ruq'eb', li tenamit a'in taa'eechaniiq xb'aaneb' laj Kaldeha ut taak'atmanq; ut laa'at ink'a' ajwi' tatkole'q sa' ruq'eb'»”.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

Jeremías 26:24

B'anyox re laj Ajikán, ralal laj Safán, naq kixkol laj Jeremías chiru li kamk, ut ink'a' kiq'axtesiik sa' ruq'eb' li k'iila poyanam.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.