Jeremías 1:17 - Q'eqchi Bible

¹⁷ Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Li Santil hu

¹⁷ Joꞌcan ut nak cauresi a̱cuib, at Jeremías, ut ayu chixyebal reheb li cꞌaꞌru xinye a̱cue. Matxucuac chiruheb. Cui tatxucuak anakcuan, naru ninqꞌue a̱xiu nak cua̱nkat chiruheb.

Jeremías 1:17 ပူးပေါင်းရင်းမြစ်များ

1 Reyes 18:46

Li Qaawa' wank rik'in laj Elías: a'in kixb'ak' rib' chiru li xk'aamal xsa' ut koho sa' aanil chiru laj Ajab toj reetal kiwulak sa' li tenamit Jisrehel.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

San Lucas 12:35

“Junelik b'ak'b'ooq leesa' ut lochlooq leexam.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Éxodo 7:2

Laa'at taaye re chixjunil li tatintaqla wi', ut laj Aharón laawas toxye re laj Parahón re naq tixkanab'eb' chi elk laj Israel sa' li xtenamit.

Li xHu LAJ JOB 38:3

Kawal wanqat anaqwan! K'ut chiwu li xseeb'al laak'a'uxl ut chasume linpatz'om.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Hechos 20:20

Laa'ex nekenaw naq ink'a' xwisi wib' naq xwank k'aru us cho'q eere: ink'a' xinkanab' eetzolb'al ut xjultikankil cheru li Aatin chiruheb' li tenamit jo' ajwi' chire kab'lal;

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

1 Corintios 9:16

Wi laa'in ninpuktesi li Chaab'il Esilal, moko naru ta tinnimob'resi wib' rik'in a'an, a'an b'an jun k'anjel teneb'anb'il sa' inb'een. Ut ra chaalel sa' inb'een wi ink'a' ninpuktesi li Chaab'il Esilal!

Jonás 3:2

“Ayu sa' li nimla tenamit Nínive ut toxaaye li k'aru tinye aawe”.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

2 Reyes 4:29

Tikto laj Eliseo kixye re laj Kejasí: “Kawresi aawib', k'am linxuq' ut ayu. Wi ani taak'ul sa' b'e, maak'e xsahil xch'ool, ut wi ani taak'ehoq xsahil aach'ool, maachaq'b'e. Ayu ut toxaak'e linxuq' sa' xnaq' ru li ch'ina'al”.

1 Ts 2:2

Us ta ak qak'ulum chaq li rahilal ut hob'e'k aran Filipos, jo' ak ch'olch'o cheru, ab'an li qaYos xk'e xkawub' qach'ool ut ink'a' xooxiwak chi xpuktesinkil li xChaab'il Esil li Yos eere laa'ex sa' xyanqeb' li k'iila rahilal.

2 Reyes 9:1

Laj Eliseo kixb'oq jun reheb' li propeet ut kixye re: “Kawresi aawib', k'am li jun meet chi aseeyt a'in ut ayu Ramot, sa' xteepal Galahad.

2 Reyes 1:15

Toja' naq li x'ánjel li Qaawa' kixye re laj Elías: “Kub'en aawochb'een a'an. Matxiwak chiru”. Kixaqliik laj Elías ut kikub'e chaq rochb'een li xjolomileb' laj puub'. Naq kiwulak rik'in li awab'ej,

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Jeremías 26:2

ut kixye re chi jo'ka'in: “Xaqab' aawib' chiru xneb'aalil li wochoch ut aatinan rik'ineb' chixjunil li poyanam sa' xteepal Judá li neke'chalk chi loq'onink sa' rochoch li Qaawa'. Ye reheb' chixjunil li xinye aawe chi maajun li aatin taamuq.

Jeremías 26:12

Kichaq'ok laj Jeremías ut kixye reheb' li xjolomileb' li tenamit ut reheb' chixjunil li poyanam: “Li Qaawa' xtaqlank chaq we chi xyeeb'al li aatin xerab'i chirix li xloq'laj ochoch ut chirix li tenamit a'in.

Jeremías 36:8

Laj Baruk, ralal laj Nerías, kixb'aanu chixjunil li kiyehe'k re xb'aan laj Jeremías, li propeet; ut kixyaab'asi li raatin li Qaawa' sa' rochoch li Yos.

Lamentaciones 3:57

Xinyaab'a laak'ab'a', ut xatjilok chink'atq: “Matxiwak!”, chankat we.