Jeremías 1:15 - Q'eqchi Bible

¹⁵ Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

Li Santil hu

¹⁵ La̱in tinbokeb chixjunileb li tenamit li cuanqueb saꞌ li norte. Eb lix reyeb teꞌxxakab lix muheba̱leb saꞌ li oqueba̱l re li tenamit Jerusalén ut teꞌxsut rix li tenamit. Ut teꞌxsut ajcuiꞌ rixeb li jun chꞌol chic tenamit li cuanqueb Judá.

Jeremías 1:15 ပူးပေါင်းရင်းမြစ်များ

Jeremías 43:10

ut ye reheb': «Li Nimajwal Yos, li xYos laj Israel, xye chi jo'ka'in: Laa'in tintaqla chaq laj Nabukodonosor, laj k'anjel chiwu ut awab'ej re Babilonia, ut tink'ojob' li xk'ojarib'aal ut li xmuheb'aal sa' xb'eeneb' li pek a'in li xinch'ik sa' ch'och'.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 4:16

“Yehomaq reheb' li xninqal ru tenamit ut re Jerusalén naq eb' laj xik'il uuchinel ak wankeb' arin; toj najt xe'chalk chaq, japjookeb' chaq re chi chalk sa' xb'eeneb' li tenamit re Judá.

Jeremías 39:3

ut chixjunileb' li xninqal ru winq re laj Nabukodonosor ke'ok ut koxe'kanaaq chire li Nimla Okeb'aal. A'aneb' laj Nerkal-Saréser, laj Sankar-Nebo, laj Sarsekín, xnimal ru aj jolominel, laj Nerkal-Saréser jun chik, nim ajwi' xwankil, ut chixjunileb' li xkomoneb' li xninqaleb' ru winq re li awab'ej re Babilonia.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Isaías 22:7

Li xch'ina'usal laataq'a xnujak chi b'eleb'aal ch'iich', ut li wankeb' chirix kawaay xe'xtzolob' rib' chire rokeb'aal li tenamit.

Lamentaciones 5:11

Sa' xteepal Judá ut Sión xe'xmux eb' li qixaqil ut eb' li tuq'ixq.

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 33:10

Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq

Jeremías 25:28

Ut wi ink'a' te'raj xk'ulb'al li sek' chi moko te'raj ruk'b'al li wank chisa', laa'at taaye reheb': «Jo'ka'in xye li Nimajwal Yos: Tento teeruk' xb'aan naq maak'a' chik xja'lenkil:

Jeremías 10:22

Ab'ihomaq li esil a'in ut k'ehomaq reetal. chalk re jun nimla choqink, tz'aapixik rab'inkil; chalk chaq re sa' xjayal releb'l iq'. Chixjunileb' li tenamit sa' xteepal Judá te'sache'q ru ut te'kanaaq chi po'lem, cho'q xna'ajeb' laj xojb'.

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Jeremías 5:15

“Ex aj Israel -chan li Qaawa'-, laa'in tintaqla chaq chi yalok eerik'in jun tenamit li jwal najt wan chaq; q'axal kaweb' rib' ut najter winqeb'. Laa'ex ink'a' nekenaw li raatinob'aaleb' chi moko neketaw ru li neke'xye.

Jeremías 4:6

Taqsihomaq li eetalil sa' xjayal Sión ut ayuqex sa' aanil chi elelik chi maak'a'aq hilank». Xb'aan naq taachalq chaq li rahilal sa' xjayal releb'l iq'; nimla sachok ut raaxiik' tink'am chaq aran.

Jeremías 13:20

“At Jerusalén, taqsi laawilob'aal ut k'e reetal naq sa' xjayal releb'l iq' yookeb' chaq chi chalk eb' li xik' neke'ilok aawe. B'ar xkoheb' li jun ch'uut chi karneer li xk'eemank chawil? B'ar wankeb' anaqwan eb' laachaq'alil ru karneer?

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Jeremías 46:24

Xutaanal te'kanaaq eb' laj Ejiipt naq te'q'axtesiiq sa' ruq'eb' li tenamit li wan chaq sa' xjayal releb'l iq'”.

Ezequiel 32:30

“Arin ajwi' wankeb' chixjunileb' li xe'awab'ejink sa' xjayal releb'l iq', jo'wi' chixjunileb' laj Sidón. Q'axal kaweb' rib' naq xe'wank ut xe'roksi xxiweb' li poyanam, ab'an anaqwan muqb'ileb' rochb'eeneb' li xe'kamsiik sa' li raaxiik', chi k'ajo'eb' xxutaan. Ink'a' xe'xpaab' li Qaawa' ut muqb'ileb' anaqwan rochb'eeneb' li xe'kamsiik sa' li raaxiik', chi maak'a'eb' xloq'al; jiljookeb' sa' xyanqeb' li wankeb' sa' xna'ajeb' li kamenaq.

Joel 2:20

Twaanilasiheb' li neke'chalk chaq sa' xjayal releb'l iq', ut toxinkanab'eb' chaq sa' li chaqich'och', sa' junesal na'ajej. Eb' laj k'amol xb'eheb' tinsub'eb' sa' li Atz'aminb'il Palaw, ut eb' li wankeb' chi ixb'ej tinsub'eb' sa' li palaw jun chik; ut aran te'q'aaq ut te'chuho'q. Relik chi yaal naq xninqal sachb'ach'oolej ok we chi xb'aanunkil!”.

Zacarías 6:6

Li b'eleb'aal ch'iich' kelonb'il xb'aaneb' li q'eqikawaay xkoheb' sa' xjayal releb'l iq'; li kelonb'il xb'aaneb' li saqikawaay xkoheb' sa' xjayal rokeb'l li saq'e ut li kelonb'il xb'aaneb' li b'alak' rixeb' xkoheb' sa' xjayal li xsak'leb' iq'”.