Jeremías 1:10 - Q'eqchi Bible

¹⁰ Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Li Santil hu

¹⁰ Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Jeremías 1:10 ပူးပေါင်းရင်းမြစ်များ

Jeremías 31:28

Jo' naq xink'e inch'ool chi sachok, chi juk'uk, chi mich'ok, chi isink ut chi rahob'tesink, jo'kan ajwi' naq yo'oon wanqin chi waklesink ut chi xaqab'ank -chan li Qaawa'-.

Ezequiel 36:36

Toja' naq eb' li xninqal ru tenamit li wankeb' chesutam, te'xnaw naq laa'in, li Qaawa', xinwaklesink re li juk'b'il naq xwank, ut xin'awk wi' chik sa' li sachb'il na'ajej. Laa'in, li Qaawa', xinye ut tinb'aanu.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Ezequiel 32:18

“At kaamel winq, b'icha li b'ich a'in re rahil ch'oolej chirixeb' laj Ejiipt ut eb' li neke'jolomink reheb', aawochb'eeneb' li rixqilaleb' li xninqal ru tenamit: «Eb' li wankeb' xwankil yooqeb' chi oso'k ut yooq xmuqb'aleb' sa' xyanqeb' li xe'q'ajk xe'sutq'iik.

Ezequiel 43:3

Li moy u a'in a'an kama' wi' li kiwil naq kisache'k ru Jerusalén, ut kama' ajwi' li kiwil chire li nima' Kebar. Laa'in kinwiq'laak ut kinhupub' wib' chiru ch'och',

1 Reyes 19:17

Li taakole'q sa' ruq' laj Jasahel, taakamsiiq xb'aan laj Jehú, ut li taakole'q sa' ruq' laj Jehú, taakamsiiq xb'aan laj Eliseo.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Jeremías 1:5

“Naq toj maji' nakatsiyaak chaq rik'in laana', laa'in ak xinsik' chaq aawu; naq toj maji' nakatyo'laak, ak santob'resinb'ilat chaq inb'aan ut ak xaqab'anb'ilat cho'q xpropeet eb' li tenamit”, chan li Yos.

Jeremías 25:13

Tintaqla chaq sa' xb'een Babilonia chixjunil linyehom chaq chirix, jo'ch'inal jo'nimal li tz'iib'anb'il sa' li hu a'in ut yeeb'il chaq xb'aan laj Jeremías sa' ink'ab'a' chirixeb' chixjunil li tenamit.

Jeremías 31:40

Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 45:4

Ab'an li Qaawa' xye li aatin a'in chawix ut xinxtaqla chaq chi xnumsinkil aawe: «Laa'in tinjuk' li k'aru xinkab'la, ut tinmich' li xwaw; ut a'in tinb'aanu re chixjunil li ruuchich'och'.

Ezequiel 21:19

“At kaamel winq, tz'iib'a reetalil li wiib' chi b'e taanume'q wi' li x'awab'ej Babilonia rik'in li xch'iich'. Li wiib' chi b'e a'in te'elq sa' jun ajwi' chi tenamit, ut sa' li xaalib'e taatz'iib'a xk'ab'a' li tenamit b'arwi' naxik li junjunq chi b'e.

Ezequiel 23:36

Moqon li Qaawa' Yos kixye we: “At kaamel winq, ma taawaj raqok aatin sa' xb'eeneb' lix Oholá ut lix Oholibá? Ye reheb' chixjunil li maa'usilal ke'xb'aanu.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.