Isaías 9:2 - Q'eqchi Bible

² Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Li Santil hu

² Li tenamit chanchan saꞌ kꞌojyi̱n cuanqueb xban li ma̱c ut xban nak incꞌaꞌ nequeꞌxtau xya̱lal. Abanan quicutanobresi̱c lix naꞌlebeb. Ac tenebanbil raj li ca̱mc saꞌ xbe̱neb, abanan quicꞌulun laj Colol reheb.

Isaías 9:2 ပူးပေါင်းရင်းမြစ်များ

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

San Juan 12:46

Laa'in li saqenk ut xinchalk sa' ruuchich'och' re naq chixjunil li taapaab'anq we, ink'a' tkanaaq sa' li aak'ab'.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Isaías 60:19

“Moko aajel ta chik ru li saq'e cho'q aasaqenk chiru li kutan chi moko li xsaqenkil li po chiru li q'oqyink. Laa'in chik laasaqenk chi junelik; laa'in li Qaawa' laaYos, laa'in chik li xnimal aaloq'al.

Salmos 107:10

Ke'wank chaq sa' li aak'ab' ut sa' li q'oqyink, chapchookeb' rik'in kareen ut rik'in ch'iich',

Salmos 23:4

Us ta tinnume'q chiru q'oqyinkil taq'a, maak'a' k'aru tinxiwa laa'in, xb'aan naq wankat wik'in, at Qaawa'; laab'aar ut laaxuq' neke'xk'ojob' inch'ool.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Salmos 107:14

kirisiheb' sa' li aak'ab' ut sa' li q'oqyink, ut kixt'upi li kareen b'ak'b'ookeb' wi'.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Isaías 9:1

Jo' chaq sa' xtiklajik naq li Yos kixrahob'tesi eb' li tenamit re Sabulón ut Neftalí, jo'kanaq ajwi' chiruheb' li kutan chaalel tixk'e xloq'al li b'e naxik chire li palaw, toj junpak'al li nima' Jordán, sa' xteepaleb' li jalanil tenamit.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Li xHu LAJ JOB 10:21

xb'aan naq xik we, ut ink'a' chik tinsutq'iiq chaq: xik we sa' jun li na'ajej q'oqyink ru, b'arwi' aak'ab' chi junelik;

Jueces 5:30

«Ch'olch'o ru naq yookeb' chaq chi xjek'inkil li reechanihom chirib'ileb' rib': jun malaj wiib' chi ixq cho'q re li junjunq aj puub'; chaab'il t'ikr yo chaq chi xk'ulb'al laj q'axonel u», chan.

Salmos 4:8

At Qaawa', naab'al chik xsahil linch'ool xak'e we chiru xchamal xsasal li xtriiweb' ut li x'ak' b'iineb'.