Isaías 9:18 - Q'eqchi Bible

¹⁸ Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Li Santil hu

¹⁸ Lix ma̱usilaleb li tenamit chanchan jun li xam li nasachoc nak naxcꞌat li qꞌuix ut li pim. Chanchan jun li xam li naxcꞌat li qꞌuicheꞌ ut li sib nabukuknac chi xic toj takecꞌ.

Isaías 9:18 ပူးပေါင်းရင်းမြစ်များ

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Salmos 83:14

At inYos, chak'eheb' chi k'ame'k xb'aan li muqyax, jo'kaqeb' ta li k'im li nachiq'leek xb'aan iq'.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Apocalipsis 14:11

Li xsib'el li xrahilaleb' taataqe'q chi junelik q'e kutan ut maak'a'aq hilank chi q'eq chi kutan cho'q reheb' li te'loq'oninq re li josq' aj xul ut li xjalam u jo'wi' cho'q reheb' li te'xk'ul li reetalil li xk'ab'a'”.

Hebreos 6:8

Ab'an li ch'och' na'elk wi' junes k'ix ut pajl, a'an maak'a' na'ok wi'; tz'eqtaananb'il, ut k'atk tox'oso'q wi'.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Amós 7:4

A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Joel 2:20

Twaanilasiheb' li neke'chalk chaq sa' xjayal releb'l iq', ut toxinkanab'eb' chaq sa' li chaqich'och', sa' junesal na'ajej. Eb' laj k'amol xb'eheb' tinsub'eb' sa' li Atz'aminb'il Palaw, ut eb' li wankeb' chi ixb'ej tinsub'eb' sa' li palaw jun chik; ut aran te'q'aaq ut te'chuho'q. Relik chi yaal naq xninqal sachb'ach'oolej ok we chi xb'aanunkil!”.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Isaías 33:12

Cha aj chik te'kanaaq eb' li tenamit, kama'aqeb' li k'ix naq nayok'mank ut na'ok xxamlel.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Salmos 37:20

A'ut eb' laj maak te'sache'q chi junajwa; te'oso'q eb' li xik' neke'ril li Qaawa', kama' li xchaq'alil ru li pim, chanchanaqeb' li sib' sa' iq' naq te'sachq.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Salmos 68:2

Li Qaawa' naxaqliik ut eb' li xik' neke'ilok re neke'xcha'cha'i rib'eb'; eb' li neke'tz'eqtaanank re neke'elelikje'k chiru.

Isaías 1:7

Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Joel 2:3

Chanchaneb' li xam li naxk'at chixjunil li k'aru wank chi uub'ej ut chi ixb'ej. Rub'elaj li xnumik jwal chaab'il li ch'och', ab'an naq ak xnume'k, junes joxk' ch'och' aj chik; tik maak'a' nakole'k chiru.

Abdías 1:18

Li xjunkab'al laj Jakob a'anaq li ru xam, li xjunkab'al laj José a'anaq li raq' xam, ut li xjunkab'al laj Esaú taak'atmanq chi junajwa jo' li k'im: maajun taakole'q sa' xyanqeb' li ralal xk'ajol laj Esaú”, chan li Qaawa'.

1 Reyes 16:21

Toja' naq eb' laj Israel ke'xjek' rib' sa' wiib' ch'uut: jun ch'uut koho chirix laj Tibní, ralal laj Kinat, re xxaqab'ankil cho'q awab'ej, ut li jun ch'uut chik koheb' chirix laj Omrí.

Isaías 3:5

Li junjunq taaraj numtaak sa' xb'een li ras riitz'in: li saaj winq tixq'etq'eti rib' chiru li cheekel winq ut laj k'anjel tixpleeti li xnimal ru winq.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.