Isaías 9:16 - Q'eqchi Bible

¹⁶ Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.

Li Santil hu

¹⁶ Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.

Isaías 9:16 ပူးပေါင်းရင်းမြစ်များ

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Isaías 3:12

Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Hebreos 7:7

Ch'olch'o naq li kach'in xwankil na'osob'tesiik xb'aan li nim xwankil.

2 Crónicas 30:27

Chirix chik a'an ke'xaqliik eb' laj tij ut eb' laj Leví, ut ke'rosob'tesi li tenamit. Ut li Qaawa' kirab'i xyaab' xkuxeb', ut li xtijeb' kiwulak toj sa' choxa, sa' li xloq'laj muheb'aal.

Isaías 19:14

Li Qaawa' xpo'ok xna'leb'eb' re naq ink'a' us te'elq sa' li xk'anjeleb', jo'eb' li kalajenaq li nataktotk ut yo chi xxa'wankil rib'.

Jeremías 23:13

“Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.