Isaías 9:13 - Q'eqchi Bible

¹³ Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Li Santil hu

¹³ Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Isaías 9:13 ပူးပေါင်းရင်းမြစ်များ

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Li xHu LAJ JOB 36:13

Eb' li ink'a' neke'xk'oxla li Yos, k'ajo' naq neke'josq'o'k. Us ta yookeb' chi k'uluk rahilal, ab'an ink'a' neke'xpatz' xtenq'ankileb'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Deuteronomio 4:29

Ab'an wi aran teesik' li Qaawa' leeYos chi anchal leech'ool ut chi anchal leeraanm, relik chi yaal naq teetaw.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Ezequiel 22:24

“At kaamel winq, ye re Jerusalén: «Laa'at chanchanat jun li ch'och' ink'a' xk'ulum li loq'laj hab' ut ink'a' chik t'aqresinb'il.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Amós 4:6

“Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Isaías 7:20

Naq taawulaq li kutan a'an, toj junpak'al li nima' Éwfrates, li Qaawa' tixtaqla chaq sa' eeb'een li awab'ej re Asiria li taak'ehoq eere sa' xutaan: tixjo leejolom, leetzelek ut leemach jo' naxb'aanu junaq aj b'esonel.

Isaías 19:15

Ut maak'a' naru te'xb'aanu eb' laj Ejiipt, a' yaal ma li wankeb' xwankil malaj li kub'enaqeb' xwankil, eb' li b'ihom malaj eb' li neb'a'.