Isaías 8:7 - Q'eqchi Bible

⁷ Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.

Li Santil hu

⁷ Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

Isaías 8:7 ပူးပေါင်းရင်းမြစ်များ

Amós 9:5

Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Isaías 7:20

Naq taawulaq li kutan a'an, toj junpak'al li nima' Éwfrates, li Qaawa' tixtaqla chaq sa' eeb'een li awab'ej re Asiria li taak'ehoq eere sa' xutaan: tixjo leejolom, leetzelek ut leemach jo' naxb'aanu junaq aj b'esonel.

Isaías 7:17

“Sa'eb' li kutan a'an li Qaawa' tixtaqla chaq sa' aab'een, sa' xb'een laatenamit ut sa' xb'een laajunkab'lal naab'al li rahilal jo' maajun wa xk'ulmank chaq chalen naq eb' laj Efraín ke'xjek' rib' rik'ineb' laj Judá”.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

Daniel 11:10

«Te'xkawresi rib'eb' li ralal xk'ajol li awab'ej re Siria ut te'xch'utub' naab'aleb' laj puub'. Jun reheb' a'an tixkut rib' chi junpaat jo' li b'ut'iha' sa' xb'een Ejiipt; chirix a'an taa'ok wi' chik chi yalok re reechaninkil li kawub'resinb'il ochoch.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 28:17

Li k'ulub'ej tink'e cho'q b'isleb' sa' li xxaqab'ankil Sión, ut li tiikil ch'oolej tink'e cho'q aj tuqub'anel ru”. Li saqb'ach taasachoq re chixjunil li tik'ti' li nekekol wi' eerib', ut li b'ut'iha' taapo'oq re li nekekawub'resi wi' eech'ool.

Salmos 72:8

Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.

San Lucas 6:48

chanchan jun winq li kikab'lak, kixb'ek xna'aj chi cham ut kixk'e li rub'elankil sa' xb'een pek. Naq kichalk li b'ut', koxpik'a rib' li nima' chiru li kab'l a'an ut ink'a' kiru xjuk'b'al xb'aan naq kab'lanb'il chi us.

Esdras 4:10

ut a'atqeb' chik li tenamit li ke'k'ame'k chi preexil xb'aan laj Asurbanipal li nim xwankil ut ke'na'ajunk sa'eb' li tenamit re Samaria jo' ajwi' junpak'al li nima' Éwfrates. Naxye chi jo'ka'in:

2 Reyes 19:32

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj, ink'a' taaxik sa' li tenamit chi wanq xkolb'al rib', ink'a' tixyiib' xtaqleb'aal re taa'ok sa' li tenamit.

Isaías 10:5

“Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Isaías 10:16

Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 28:2

K'ehomaq reetal naq li Qaawa' tixtaqla chaq jun li winq jwal kaw rib' jo' li xsaqb'achil li kawil hab', jo' li kaqsut-iq' chi sachok, jo' tz'aqal li b'ut'iha'. Rik'in ruq' tixkut chi ch'och'

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Jeremías 47:2

Li Qaawa' kixye re chi jo'ka'in: “Sa' xjayal releb'l iq' xe'chalk chaq eb' laj Babilonia jo'eb' chaq li b'ut'iha'; nab'ut'unk li na'ajej jo'wi' chixjunil li wank chisa', naxsacheb' li tenamit ut eb' li xpoyanamil. Japaqeb' re xb'aan li rahilal chixjunileb' li poyanam, ut yalaq b'ar te'yaab'aq li tenamit.

Jeremías 51:42

Xtaqe'k li palaw sa' xb'een Babilonia ut tik xmuqunk xb'aaneb' li xkaw oq.

Ezequiel 26:19

“Xb'aan naq laa'in, li Qaawa', ninye chi jo'ka'in: Nakirirnak tatinkanab' jo'eb' li na'ajej b'arwi' maajun wank. Tatink'e chi muqunk sa' xchamal li palaw,

Miqueas 1:9

Xb'aan naq li xrahilal Samaria maak'a' xb'anol: xwulak toj Judá, ut xo'xtaw ajwi' li rokeb'aal Jerusalén b'arwi' wankeb' lintenamit.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

Salmos 46:4

Us ta ch'oxb'aqeb' xyaab' li ha' naq te'pujk'uq chaq, us ta talaje'eek'anq li tzuul xb'aan xkawil oq li palaw, ab'an li Qaawa', li Nimajwal Yos, wank qik'in, li xYos laj Jakob a'an laj kolol qe.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.