Isaías 8:22 - Q'eqchi Bible

²² chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Li Santil hu

²² malaj ut takꞌa saꞌ li chꞌochꞌ. Abanan junes raylal chic teꞌril ut kꞌojyi̱n. Ma̱ ani ta̱colok reheb chiru li rahil chꞌo̱lej. Aran teꞌosokꞌ saꞌ li kꞌojyi̱n.

Isaías 8:22 ပူးပေါင်းရင်းမြစ်များ

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

San Mateo 22:13

Toja' naq li awab'ej kixye reheb' li xmoos: «B'ak'omaq li roq ruq' ut kutomaq chirix kab'l sa' li aak'ab'; aran taawanq li yaab'ak ut li k'uxuxink ruuch e».

San Mateo 8:12

ut eb' li ke'b'oqe'k xb'enwa chi ok sa' li xnimajwal wankilal li choxa, te'isiiq ut te'tz'eqe'q sa' li aak'ab' chirix kab'l: aran taawanq li yaab'ak ut li k'uxuxink ruuch e.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Li xHu LAJ JOB 18:18

Taa'isiiq sa' saqenk ut taatz'eqe'q sa' li aak'ab'; taasachmanq sa' li ruuchich'och' a'in.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Jeremías 23:12

Jo'kan naq tink'eheb' chi b'eek sa' li aak'ab' ut sa' li xiik', re naq te'tiikisiiq ut te't'ane'q. Tintaqla chaq junaq nimla rahilal sa' xb'eeneb' sa' xkutankil li raqok aatin -chan li Qaawa'-.

Isaías 9:1

Jo' chaq sa' xtiklajik naq li Yos kixrahob'tesi eb' li tenamit re Sabulón ut Neftalí, jo'kanaq ajwi' chiruheb' li kutan chaalel tixk'e xloq'al li b'e naxik chire li palaw, toj junpak'al li nima' Jordán, sa' xteepaleb' li jalanil tenamit.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Apocalipsis 16:10

Toja' naq li ro' ánjel kixhoy li xsek' sa' xb'een li xk'ojarib'aal li josq' aj xul. Ut li x'awab'ejihom kikanaak sa' aak'ab'. Li tenamit ke'ok chi xtiwb'al li ru'uj raq'eb' xb'aan li ra,

Isaías 9:20

Li junjunq nawa'ak sa' junpak'al ut toj yo ajwi' xtz'okajik, nawa'ak sa' junpak'al chik, ab'an ink'a' nak'ojlaak xch'ool; li junjunq naxtiw li xtib'el li xkomon.

Isaías 30:6

Resilal li k'aru te'xk'ul eb' li xul re Nejeb: Eb' laj Israel neke'xk'am Ejiipt li xb'ihomaleb' ut li k'aru wank reheb', chirixeb' li b'uur ut eb' li kameey. Neke'nume'k sa' li xiwajelil chaqich'och' b'arwi' wankeb' li josq' aj kaqkoj, eb' li ikb'olay ut eb' li raxk'aj, ut neke'xik sa' jun tenamit li moko tixtenq'aheb' ta.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Isaías 59:9

Xmaakeb' a'an naq xnajto'k qik'in li tiikilal ut li kolb'a ib' moko nach' ta chik wank. Xqoyb'eni li saqenk, ut a' chik li aak'ab' wank arin; xqayo'oni b'eek sa' li saqenk, ut q'oqyink chik nokoonume'k wi'.

Éxodo 10:21

Kixye li Qaawa' re laj Moisés: “Ye' laawuq' sa' xjayal li choxa ut chiwanq xnimal aak'ab' sa' li tenamit Ejiipt, li taaruuq xch'e'b'al”.

Éxodo 10:22

Laj Moisés kixye' li ruq' sa' xjayal li choxa, ut chiru oxib' kutan kiwank aak'ab' k'ajo' xpimal, sa' xsutam Ejiipt.

Isaías 50:3

Laa'in nin'ak'ab'ob'resi ru li choxa, chanchan junaq li naxtiqib' rib' rik'in q'eqi t'ikr xb'aan xrahil xch'ool”.

Isaías 60:2

Il, li q'oqyink wank sa' li ruuchich'och' ut li aak'ab' namuheelank reheb' li tenamit, a'ut sa' aab'een taakutano'q li Qaawa' ut li xnimal xloq'al taak'utunq sa' aab'een.