Isaías 8:18 - Q'eqchi Bible

¹⁸ Arin wankin wochb'eeneb' li walal xk'ehom we li Qaawa' jo' loq'laj eetalil cho'q reheb' laj Israel, sa' xk'ab'a' li Nimajwal Yos, li nahilank sa' li tzuul Sión.

Li Santil hu

¹⁸ La̱in cuanquin arin cuochbeneb li cualal li quixqꞌue cue li Ka̱cuaꞌ. Cotakla̱c chak xban li nimajcual Dios li nacuan saꞌ li tzu̱l Sión joꞌ jun retalil chokꞌ reheb laj Israel.

Isaías 8:18 ပူးပေါင်းရင်းမြစ်များ

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Salmos 71:7

Naab'aleb' neke'sachk xch'ool chi wilb'al, ab'anan laa'at linkawil saqoonak.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Salmos 22:30

Chiru A'an te'xwiq'ib' rib' li wankeb' xwankil sa' ruuchich'och'; chiru A'an te'xk'utzub' rib' chixjunileb' li te'kub'eeq sa' pojtz', jo'k'ihal li ink'a' neke'ruuk chi wank chi yo'yo xjuneseb' rib'.

Salmos 9:11

Aawik'in taxaq kawaqeb' xch'ool chixjunil li neke'nawok laak'ab'a', xb'aan naq ink'a' nakakanab'eb' xjunes li neke'sik'ok aawe, at Qaawa'.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Isaías 14:32

K'aru taayeemanq reheb' li xtaql eb' laj Filistea li te'chalq qik'in? Taayeemanq reheb' naq li Qaawa' kik'ojob'ank re Sión ut aran te'xkol rib' li neb'a' wankeb' sa' li xtenamit li Yos.

1 Crónicas 23:25

Xyehom laj David: “Li Qaawa', xYos laj Israel, kixk'e li xtenamit chi wank sa' tuqtuukil usilal ut kixk'ojob' li xmuheb'aal arin Jerusalén chi junajwa.

Hebreos 10:33

Wankeb' sa' eeyanq xe'hob'e'k ut xe'rahob'tesiik chiruheb' li tenamit. Wank xe'raj tz'aqonk sa' li xrahilaleb' li xe'xk'ul a'an.

Isaías 7:3

Toja' naq li Qaawa' kixye re laj Isaías: “Ayu chi xk'ulb'al laj Ajás, aawochb'een laj Sehar-Yasub laawalal. Ayu toj sa' xmaril li roqha' wan wi' li tamb'aha' li wank chi tzuul, sa' xB'e laj Puch'unel,

Ezequiel 14:8

tinraq aatin sa' xb'een li winq a'an, tink'ajtesi ru ut tinkanab' sa' xutaan, re naq chixjunileb' te'aatinaq chirix. Twisi sa' xyanqeb' lintenamit, ut teenaw naq laa'in li Qaawa'.

Isaías 8:3

Moqon kinwak rik'in li wixaqil, propeet ajwi', ut a'an kikanaak sa' yu'am ut kiwank jun xk'uula'al. Toja' naq li Qaawa' kixye we: “K'e cho'q xk'ab'a': Maher-Salal-Jas-Bas,

Génesis 33:5

Tikto kixtaqsi li rilob'aal ut, naq kirileb' li ixq ut eb' li xkok'al, kixye: “Aniheb' a'in li neke'ochb'eenink aawe?”. “A'aneb' li ralal laj k'anjel chawu li ke'k'ehe'k re xb'aan li Qaawa'”, chan laj Jakob.

Deuteronomio 28:46

A'anaq jun eetalil ut sachb'ach'oolej cho'q aawe ut cho'q reheb' laawalal aak'ajol jo'wi' laawi aamam chi junelik.

Isaías 20:3

Chirix chik a'an li Qaawa' kixye: “Laj Isaías, laj k'anjel chiwu, xwank chi maak'a' raq' chi moko xxaab' chiru oxib' chihab', a'an reetalil ut resilal cho'q reheb' laj Ejiipt ut eb' laj Etiopía.

Jeremías 44:29

Ut a'an a'in li reetalil naq taak'ulmanq li xinye, ut naq texinrahob'tesi sa' li tenamit Ejiipt -chan li Qaawa'-:

Ezequiel 4:3

Chap ajwi' jun perelaq li ch'iich', taak'e sa' eeyanq laa'at rik'in li tenamit, jo' ruuchil junaq suttz'akil ch'iich', ut taaka'ya chi us li tenamit jo' tawi' yookat chi yalok rik'in. A'an jun eetalil cho'q reheb' laj Israel.

Ezequiel 12:6

Chiruheb' ajwi' a'an, naq taa'ok li q'oqyink, taajelo li k'a'aq re ru aawe ut ayu. Taatz'ap chi t'ikr laawu re naq ink'a' taawil li na'ajej, xb'aan naq laa'ataq jun eetalil cho'q reheb' laj Israel”.

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

San Lucas 2:18

ut chixjunileb' li ke'ab'ink re ke'sachk xch'ool xb'aan li neke'xye eb' laj k'aak'alenel ketomq.