Isaías 8:13 - Q'eqchi Bible

¹³ A' li Nimajwal Yos, li q'axal Sant, A'an teexiwa ut teeroxloq'i ru.

Li Santil hu

¹³ Chaqꞌue retal nak santin la̱in li nimajcual Dios. Ta̱xucua cuu la̱in.

Isaías 8:13 ပူးပေါင်းရင်းမြစ်များ

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Malaquías 2:5

“Linsumwank kinxaqab' rik'in laj Leví, a'an re yu'amej ut tuqtuukilal. Kink'e re, re naq tinroxloq'i ut tixk'e inloq'al, ut a'an relik chi yaal naq kinroxloq'i ut kixk'e inloq'al.

Isaías 29:23

naq te'ril li ninb'aanu sa' xyanqeb', te'xsantob'resi link'ab'a', te'xch'olob' li xsantilal li xYos laj Jakob ut te'xxiwa ru li xYos laj Israel.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Romanos 4:20

Tik ink'a' kiwiib'ank xch'ool chiru li xyeechi'om li Yos, kawuuk b'an chik kixb'aanu sa' li xpaab'aal ut kixloq'oni ru li Yos,

Números 27:14

Xb'aan naq laa'ex keq'etq'eti eerib' sa' li chaqich'och' re Sin, naq eb' li tenamit kine'xwech' ut laa'ex ink'a' kek'ut linsantilal chiruheb', chire li ha'”, chan li Qaawa'. A'an li ha' re Meribá, sa' xteepal Kadés, aran sa' li chaqich'och' re Sin.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Deuteronomio 14:23

ut taatzeka chiru li Qaawa' laaYos, sa' li na'ajej xaqab'anb'il xb'aan cho'q xna'aj li xk'ab'a': li xlajeetqil laatriiw, laamoost, laa'aseeyt, jo'wi' li xb'een ral laawakax ut laakarneer. Chi jo'kan taatzol roxloq'inkil li Qaawa' laaYos chiru chixjunil laayu'am.

Isaías 5:16

Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Levítico 22:32

“Meemux ru linloq'laj k'ab'a' re naq chi jo'kan santob'resinb'ilaqin sa' xyanqeb' laj Israel. Laa'in li Qaawa', li ninsantob'resink eere laa'ex

1 Samuel 11:7

Kixchap jun sumal chi b'ooyx ut kixkamsiheb'; kixxeri ut kixjek'i li tib' sa' xteepal chixjunil Israel chirixeb' aj esil: “Jo'ka'in taa'uxq reheb' li xb'ooyx li ink'a' taaxik chirix laj Saúl ut laj Samuel”, chankeb' laj esil. K'ajo' naq ke'xiwak li poyanam, ut junajeb' xch'ool koheb' chi yalok.