Isaías 7:8 - Q'eqchi Bible

^8-9 Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

Li Santil hu

⁸ Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

Isaías 7:8 ပူးပေါင်းရင်းမြစ်များ

Génesis 14:15

Chiru q'oqyink laj Abrán rochb'eeneb' laj k'anjel chiru kiwulak b'arwi' wankeb' li junch'ol, chi maak'a' sa' xch'ooleb': kixq'ax ruheb' ut kiraanilasiheb' toj sa' li tenamit Jobá li wank junpak'al Damaask, sa' releb'l iq'.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Esdras 4:2

ke'wulak rik'in laj Sorobabel, laj Josué ut rik'ineb' li xjolomileb' junkab'al, ut ke'xye reheb': “Texqatenq'a chi kab'lak, xb'aan naq laa'o ajwi' naqasik' leeYos ut nokoomayejak chiru, jo' nekeb'aanu laa'ex, chalen sa'eb' li kutan naq kiwank cho'q awab'ej re Asiria laj Asaradón, li kik'amok chaq qe arin”.

2 Samuel 8:6

Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

Isaías 9:9

Chixjunileb' li poyanam xe'nawok re, li wankeb' sa' xteepal Efraín ut Samaria, a'eb' li neke'xq'etq'eti ut neke'xnima rib' chi xyeeb'al:

Isaías 9:11

Li Qaawa' xtaqla chaq laj Rasín sa' xb'eeneb' laj Israel ut xchiq' chaq xjosq'ileb' li xik' neke'ilok reheb':

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Ezequiel 27:18

Eb' laj Damaask neke'loq'ok aawik'in chi yo'oon xb'aan xk'ihal li sahil eechej ut laab'ihomal, ut nakate'xtoj rik'in chaab'il b'iin re Helbón ut tuuxnoq' re Sahar.

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.