Isaías 7:20 - Q'eqchi Bible

²⁰ Naq taawulaq li kutan a'an, toj junpak'al li nima' Éwfrates, li Qaawa' tixtaqla chaq sa' eeb'een li awab'ej re Asiria li taak'ehoq eere sa' xutaan: tixjo leejolom, leetzelek ut leemach jo' naxb'aanu junaq aj b'esonel.

Li Santil hu

²⁰ Ut saꞌ eb li cutan aꞌan li Ka̱cuaꞌ tixtakla lix reyeb laj Asiria, li cuan jun pacꞌal li nimaꞌ Éufrates. Li cui̱nk aꞌan chanchan jun aj besonel xban nak tixtakla xbesbal le̱ jolom joꞌ ajcuiꞌ le̱ mach ut le̱ tzelec.

Isaías 7:20 ပူးပေါင်းရင်းမြစ်များ

Isaías 8:7

Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.

Ezequiel 29:18

“At kaamel winq, laj Nabukodonosor, li awab'ej re Babilonia, rochb'eeneb' laj puub', xe'xk'uub' xninqal rahilal sa' xb'een Tiro. Chixjunileb' xe'joomaak li xjolom ut xe'mich'je'k li xyi rixeb' xb'aan li kawil k'anjel xe'xb'aanu. Ab'anan chi moko li awab'ej chi moko eb' laj puub' us xe'elk naq xe'yalok rik'ineb' laj Tiro.

Isaías 10:15

Ma nim tab'i' xwankil li maal chiru li nach'e'ok re? Ma nanumtaak tab'i' li setleb' che' chiru li na'eek'asink re? Chanchan tawi' naq li xuq' nataqlank sa' xb'een li nach'e'ok re, kama' tawi' naq li che' na'eek'asink re li winq.

Ezequiel 29:20

Sa' xk'ab'a' li k'aru xb'aanu laj Nabukodonosor reheb' laj Tiro, tink'e chi reechani Ejiipt, jo' ruuchil li xtojb'al naq kik'anjelak cho'q we. Laa'in, li Qaawa', xinyehok re a'in.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Jeremías 2:18

Ut anaqwan, k'aru teetaw chirix naq texxik Ejiipt re ruk'b'al li xha'il li nima' Nilo? K'aru aj e naq texxik Asiria chi uk'uk ha' sa' li nima' Éwfrates?

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Isaías 36:1

Ak kaalaju chihab' rokik laj Esekías chi awab'ejink, naq laj Senakerib, awab'ej re Asiria, koho chi yalok rik'in chixjunileb' li tenamit sutsuukeb' chi tz'ak sa' xteepal Judá, ut kilajreechaniheb'.