Isaías 7:16 - Q'eqchi Bible

¹⁶ Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Li Santil hu

¹⁶ Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.

Isaías 7:16 ပူးပေါင်းရင်းမြစ်များ

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Deuteronomio 1:39

Ab'an leekok'al li kek'oxla laa'ex naq te'sache'q ru, a'eb' leeralal eek'ajol li toj maji' neke'xnaw li us ut li ink'a' us, a'an yaal naq te'ok aran. A'aneb' li tinq'axtesi wi' li na'ajej, ut a'aneb' te'eechaninq re.

Jonás 4:11

Ma toja' ta chik laa'in ink'a' traho'q linch'ool chirix li nimla tenamit Nínive, b'arwi' wankeb' waqk'aal mil chi poyanam li ink'a' neke'xnaw xk'eeb'al reetal b'ar wank li us ut li ink'a' us, ut k'ajo'eb' li ketomq wankeb' chisa'?”.

Oseas 5:9

Laa'in ninjultika li tz'aqal yaal reheb' li xteepaleb' laj Israel: eb' laj Efraín te'juk'manq chi junwaakaj sa' xkutankil li raqb'a aatin.

Isaías 9:11

Li Qaawa' xtaqla chaq laj Rasín sa' xb'eeneb' laj Israel ut xchiq' chaq xjosq'ileb' li xik' neke'ilok reheb':

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

Isaías 8:14

A'anaq li santil na'ajej, li pek te'tichk'oq wi' eb' li tenamit ut luktesib'aal ch'oolej cho'q reheb' laj Israel ut eb' laj Judá; kama'aq jun li kanleb' ut ra'al cho'q reheb' li wankeb' Jerusalén.

Jeremías 7:15

Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Oseas 5:3

Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.