Isaías 66:5 - Q'eqchi Bible

⁵ Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Li Santil hu

⁵ Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Isaías 66:5 ပူးပေါင်းရင်းမြစ်များ

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

Salmos 38:20

Numtajenaqeb' chik li xik' neke'ilok we chi maak'a' xyaalal, naab'aleb' li neke'tz'eqtaanank we chi maak'a' inmaak,

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

Jeremías 36:16

Naq ke'rab'i chixjunileb' li aatin a'an, ke'xka'ya rib' chi k'ajo'eb' xxiw, ut ke'xye: “Qayehaq resil re li awab'ej chi junpaat chixjunileb' li aatin a'in”, chankeb'.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Cantares 1:6

Meek'e reetal naq q'eqin: a' li saq'e xk'atok re lintib'el. Eb' li ralal xk'ajol linna' xe'josq'o'k wik'in ut xine'xk'e chi xk'aak'alenkil li awimq uub', ab'an li wawimq laa'in, lin'uub', ink'a' xink'aak'ale.

1 Juan 3:13

Ex was wiitz'in, misachk eech'ool wi xik' nekexril li ruuchich'och'.

San Lucas 13:17

Naq yo chi xyeeb'al a'in, ke'chalk xxutaan eb' li xik' neke'ilok re; ab'anan chixjunileb' li tenamit ke'saho'k sa' xch'ool rik'in li sachb'ach'oolej nalajxb'aanu.

Proverbios 13:13

Ra tixk'ul li naq'etok aatin; li ani naxpaab' li xchaq'rab'inkil, taaq'ajkamuuq.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

2 Ts 1:12

Chi jo'kan taanimaaq xloq'al li Qaawa' Jesus eerik'in, ut laa'ex rik'in, jo' chanru li rusilal li qaYos ut li Qaawa' Jesukriist.

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

1 Reyes 21:29

“Ma xawil naq laj Ajab xkub'si rib' chiwu? Jo'kan naq ink'a' tintaqla li rahilal naq toj yo'yooq; toj chiru b'an chik xyu'am li ralal tink'e li rahilal sa' xb'een li xjunkab'al”.

2 Reyes 22:10

Kixye ajwi' re li awab'ej: “Laj Jilkías, li xb'eenil aj tij, xtaw li hu a'in”. Ut laj Safán kixyaab'asi xsa' li hu chiru li awab'ej.

2 Crónicas 34:27

Xyot'e'k laach'ool ut xakub'si laawankil chiru li Qaawa' naq xawab'i li waatin chirix li na'ajej a'in ut eb' li xpoyanamil. Xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Esdras 9:4

Chixjunileb' li neke'roxloq'i li raatin li xYos laj Israel ke'xch'utub' rib' wik'in naq ke'rab'i resil li xmaakeb' li ke'chalk chaq Babilonia. Ab'an laa'in k'ajo' xrahil linch'ool: kinkanaak chi k'ojk'o toj sa' xhonalil li ewuukil mayej.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.