Isaías 66:3 - Q'eqchi Bible

³ Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Li Santil hu

³ Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Isaías 66:3 ပူးပေါင်းရင်းမြစ်များ

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Levítico 2:2

Chirix a'an tixk'am rik'ineb' laj tij li ralaleb' laj Aharón, ut jun reheb' a'an tixchap jun mooch'aq li k'aj triiw rochb'een aseeyt ut pom, ut tixk'at sa' xb'een li artal cho'q k'atb'il mayej, sahil mayej, sununk xb'ook chiru li Qaawa'.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Deuteronomio 23:18

Maak'am sa' rochoch li Qaawa' laaYos li tumin neke'xk'ul li neke'xk'ayi rib'eb', a' yaal chanru xayeechi'i re li Qaawa'. Xb'aan naq li na'leb' a'an tz'i'b'eetal chiru li Qaawa' laaYos.

Deuteronomio 14:8

Jo'kan ajwi' li aaq xalxo rixi'jil li roq, ab'anan ink'a' naxhab'le xka'sutil li xwa: a'anaq ajwi' tz'ajnil xul cho'q aawe. Moko teetzeka ta li xtib'el chi moko teech'e' naq ak kamenaq chik.

Jueces 10:14

Ayuqex ut japomaq eere chiruheb' li yos sik'b'ileb' ru eeb'aan. Chexkolaqeb' a'an sa' xq'ehil leerahilal!”, chan li Yos.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.

Isaías 44:19

Maak'a' neke'xk'oxla, maak'a' xnawomeb' chi moko neke'xtaw xyaalal re xyeeb'al: “Xink'at li xtoqolal li che', xinyiib' linwa, xinpomok tib' sa' ru xxamlel ut xinwa'ak. Chiru li rela' li che' xinyiib' jun li tz'i'b'eetalil yos, ut anaqwan yookin chi xloq'oninkil yal jun kurul chi che'!”.

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Jueces 21:25

Sa'eb' li kutan a'an maak'a'eb' chaq awab'ej aran Israel ut li junjunq naxb'aanu li k'aru naraj xb'aanunkil.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Hageo 2:14

Toja' naq laj Hageo kixye reheb': “Ab'ihomaq anaqwan li naxye li Qaawa' li qaYos: «Jo'kan ajwi' nak'ulmank rik'in li tenamit a'in: jo'nimal neke'xb'aanu ut chixjunil li xmayejeb' muxb'ileb' ru.