Isaías 66:23 - Q'eqchi Bible

²³ Rajlal po, sa' xyo'lajik li po, ut rajlal sábado, chixjunileb' li poyanam tole'xwiq'ib' rib' chiwu, -chan li Qaawa'-.

Li Santil hu

²³ Rajlal po teꞌcha̱lk chixjunileb li tenamit ut teꞌxcuikꞌib ribeb chicuu. Rajlal xama̱n saꞌ li hiloba̱l cutan tineꞌxlokꞌoni.

Isaías 66:23 ပူးပေါင်းရင်းမြစ်များ

Ezequiel 46:1

“Jo'ka'in naxye li Qaawa': Li rokeb'aal li neb'aal li wank chisa', sa' xjayal releb'l saq'e, tz'aptz'ooq chiru li waqib' kutan na'uxk wi' k'anjelak; ka'ajwi' sa' xwuq li kutan ut sa' xninq'ehinkil li xyo'lajik po taateemanq.

Zacarías 14:16

Chirix chik a'an chixjunileb' li te'kole'q sa'eb' li tenamit li ke'yalok rik'in Jerusalén, rajlal chihab' te'chalq chi xloq'oninkil ru li Awab'ej, a' li Nimajwal Yos, jo'wi' re xninq'ehinkil li xNinq'eheb' li Muheb'aal.

Ezequiel 46:6

Sa' xyo'lajik li po tixmayeja jun saaj wakax, waqib' kok' karneer ut jun teelom karneer, li maak'a'aq reek'eb'.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

San Juan 4:23

Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Zacarías 14:14

Toja' naq eb' laj Judá te'chalq Jerusalén chi yalok rik'in chixjunileb' li tenamit wankeb' chi xsutam, ut te'xmaq' chixjunil li xb'ihomaleb', jo' li oor, li plaat ut naab'alaq li b'aatal.

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

Isaías 19:21

Nawnooq ru li Qaawa' Yos xb'aaneb' laj Ejiipt ut eb' a'an te'xnaw ru li Qaawa' sa' li kutan a'an. Te'xloq'oni ru ut te'mayejaq chiru; ut wi wank k'aru te'xyeechi'i re li Yos, te'xb'aanu ajwi'.

Isaías 19:23

Sa' li kutan a'an taawanq jun nimb'e taa'elq Ejiipt toj Asiria: eb' laj Asiria te'ruuq chi xik Ejiipt, jo'kaneb' ajwi' eb' laj Ejiipt te'xik Asiria; xkab'ichaleb' li tenamit a'an te'k'anjelaq chiru li Yos.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Ezequiel 45:17

ut a'in taak'ehoq li xul cho'q re li k'atb'il mayej. A'an ajwi' taaq'axtesinq re li mayej k'aj ut li b'iin, li na'oksimank rajlal xwuq kutan ut rajlal po, sa' chixjunileb' li xninq'eheb' laj Israel. Laj jolominel tento ajwi' tixk'e chixjunil li mayej chirix li maak, li mayej k'aj, li k'atb'il mayej, ut li nayeechi'imank re li k'amok ib' sa' usilal, re naq laa'in tinkuy xmaakeb' li ralal xk'ajol laj Israel.

Salmos 22:28

Jo'k'ihal li wankeb' junsut junrub'el choxa te'jultiko'q reheb' ut te'sutq'iiq rik'in li Yos. Chiru A'an te'xwiq'ib' rib' chixjunileb' li tenamit sa' ruuchich'och'.

Salmos 65:3

xb'aan naq laa'at nakawab'i li qatij. Chak'atq laa'at neke'jilok chixjunileb' li xe'tawak sa' li maak.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Zacarías 14:18

Ut wi eb' laj Ejiipt ink'a' te'taqe'q chi loq'onink, li Qaawa' Yos tixrahob'tesiheb' rik'in li rahilal tixrahob'tesiheb' wi' li tenamit li ink'a' te'chalq chi xninq'ehinkil li xNinq'eheb' li Muheb'aal.

Zacarías 14:19

A'an a'in li tojb'amaak te'xk'ul eb' laj Ejiipt ut chixjunileb' li tenamit li ink'a' te'chalq chi xninq'ehinkil li xNinq'eheb' li Muheb'aal.