Isaías 66:22 - Q'eqchi Bible

²² “Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

Li Santil hu

²² Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Isaías 66:22 ပူးပေါင်းရင်းမြစ်များ

Isaías 65:17

“K'ehomaq reetal, tinyoob'tesi jun ak' choxa ut jun ak' ruuchich'och'. Maajoq'e chik taajultikamanq li k'aru xk'ulmank ut ink'a' chik tink'e sa' inch'ool.

Apocalipsis 21:1

Toja' naq kiwil jun ak' choxa ut jun ak' ruuchich'och', xb'aan naq li xb'een choxa ut li xb'een ruuchich'och' ak ke'nume'k ut li palaw moko wank ta chik.

2 Pedro 3:13

Ab'anan laa'o yooko chi royb'eninkil ak' choxa ut ak' ch'och', b'arwi' taawanq li tiikilal, jo' chanru kixyeechi'i li Yos.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Isaías 48:19

K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Isaías 61:9

Q'axal nawnooq ruheb' li ralal xk'ajol xb'aaneb' li tenamit, ut chixjunileb' li te'iloq reheb' te'xk'e reetal naq a'aneb' jun tenamit osob'tesinb'il xb'aan li Qaawa'.

Isaías 65:22

Moko te'kab'laq ta ut jalan ta chik taawanq chisa', chi moko te'awq ut jalan chik taayaloq xsahil li ru. Lintenamit taanajto'q roq li xyu'am, jo' jun toon chi che'; ut eb' li sik'b'ileb' ru inb'aan te'xyal xsahil li xk'anjeleb'.

Isaías 65:23

Ink'a' chik te'xtawasi rib' chi k'anjelak chi maak'a' rajb'al, chi moko te'kamq li ralaleb' chi toj saajaqeb', xb'aan naq osob'tesinb'ilaqeb' a'an rochb'eeneb' li ralal xk'ajoleb': a'anaqeb' jun tenamit osob'tesinb'il xb'aan li Qaawa'.

Sofonías 3:20

Chiruheb' li kutan a'an texink'am chaq ut texinch'utub'. Toja' naq tinnima leek'ab'a' ut texink'e chi nawe'k sa' xyanqeb' chixjunileb' li tenamit sa' ruuchich'och', naq texwosob'tesi wi' chik”, chan li Qaawa' Yos.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Jeremías 33:20

“Laa'in, li Qaawa', ninye chi jo'ka'in: Wi ta laa'ex texruuq xsachb'al linchaq'rab' chirix xjek'b'al li kutan rik'in li q'oqyink, re raj naq maak'a'aq chik kutan malaj li q'oqyink sa' li xhonalil,

Jeremías 33:21

naru raj ajwi' xsachb'al linsumwank kink'ojob' rik'in laj David aj k'anjel chiwu, re raj naq maajunaq chik ralal xk'ajol taak'ojlaaq chi awab'ejink sa' li xk'ojarib'aal, ut jo'kan aj raj wi' rik'ineb' laj tij, xkomoneb' laj Leví, li neke'k'anjelak chiwu.