Isaías 66:2 - Q'eqchi Bible

² Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Li Santil hu

² ¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Isaías 66:2 ပူးပေါင်းရင်းမြစ်များ

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Salmos 34:18

Neke'xyaab'a xk'ab'a' li Qaawa', ut a'an narab'iheb'; narisiheb' sa' chixjunil li rahilal wankeb' wi'.

Salmos 51:17

At Qaawa', chate taxaq li xtz'uumal we, re naq tinpuktesi resil li xnimal aawankil.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

Proverbios 28:14

Li Yos narosob'tesi li napaab'ank chiru; ab'an li nakawuuk xch'ool sa' li maak, ra tixk'ul.

Salmos 138:6

Us ta jwal nim li Qaawa', ab'an naril li maak'a' xwankil ut toj najt naxnaw ru li q'etq'et.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Esdras 10:3

Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Salmos 119:161

Eb' li wankeb' xwankil neke'raj inrahob'tesinkil; ab'an laa'in a' laawaatin ninxiwa ut nink'e xloq'al.

Esdras 9:4

Chixjunileb' li neke'roxloq'i li raatin li xYos laj Israel ke'xch'utub' rib' wik'in naq ke'rab'i resil li xmaakeb' li ke'chalk chaq Babilonia. Ab'an laa'in k'ajo' xrahil linch'ool: kinkanaak chi k'ojk'o toj sa' xhonalil li ewuukil mayej.

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Colosenses 1:17

A'an li xb'een chiru chixjunil, ut chixjunil yo'yo ut xchapom rib' sa' xk'ab'a'.

Hechos 9:6

Waklin, okan sa' li tenamit ut taayeemanq aawe k'aru taab'aanu”.

San Mateo 12:6

A'ut laa'in ninye eere naq li wank arin jwal nim xwankil chiru li rochoch li Yos.

Hechos 7:50

Ma ink'a' tab'i' laa'in kinyiib'ank re chixjunil a'in?».

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

1 Reyes 21:29

“Ma xawil naq laj Ajab xkub'si rib' chiwu? Jo'kan naq ink'a' tintaqla li rahilal naq toj yo'yooq; toj chiru b'an chik xyu'am li ralal tink'e li rahilal sa' xb'een li xjunkab'al”.

2 Reyes 22:10

Kixye ajwi' re li awab'ej: “Laj Jilkías, li xb'eenil aj tij, xtaw li hu a'in”. Ut laj Safán kixyaab'asi xsa' li hu chiru li awab'ej.

2 Reyes 22:11

Naq li awab'ej kirab'i li tz'iib'anb'il sa' li hu, kixq'ich li raq'

Salmos 51:19

Li mayej nawulak chiru li Yos, a'an naq taayot'e'q li qach'ool; laa'at ink'a' nakatz'eqtaana li nayot'e'k xch'ool ut naxkub'si rib' chawu, at Qaawa'.

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.