Isaías 66:19 - Q'eqchi Bible

¹⁹ Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Li Santil hu

¹⁹ La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 66:19 ပူးပေါင်းရင်းမြစ်များ

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Romanos 15:21

jo' b'an tz'iib'anb'il sa' li Santil Hu: “Eb' li maak'a' xe'rab'i resil chirix A'an, te'ril ru; ut eb' li maak'a' xe'rab'i, te'xtaw xyaalal”.

Ezequiel 27:10

Eb' li winq aj Persia, aj Lidia ut aj Libia wankeb' cho'q aj puub' aawik'in; jwal ch'ina'us rilb'aleb' rik'in li xkolb'aleb' rib', ut li xch'iich' puniteb' a'an neke'xk'ut wi' laaloq'al.

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

1 Crónicas 16:24

Jultikahomaq li xloq'al reheb' li poyanam, yehomaq li xninqal ru xb'aanuhom reheb' chixjunil li tenamit.

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Ezequiel 30:5

Te'kamsiiq rik'in q'esnal ch'iich' eb' laj puub' aj Etiopía, aj Put, aj Lut, chixjunileb' laj Arabia ut eb' laj Kub, jo' ajwi' jo'k'ihaleb' li neke'okenk chirix Ejiipt.

Ezequiel 27:13

Jo'kaneb' ajwi' eb' laj Grecia, eb' laj Tubal ut eb' laj Mesek neke'loq'ok aawik'in, ut neke'tojok rik'in poyanam ut rik'in chik k'a'aq re ru yiib'anb'il rik'in q'anch'iich'.

Isaías 65:1

Xyehom li Qaawa' chi jo'ka'in: “Laa'in xin'elk chi xk'ulb'aleb' li ink'a' neke'patz'ok we ut xink'e wib' chi tawe'k xb'aaneb' li maajun sut nikine'xsik'. Xinye reheb' li ink'a' neke'xpatz' link'ab'a': «Wankin arin, wankin arin».

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Génesis 10:2

Eb' li ralal xk'ajol laj Jafet a'aneb' a'in: laj Gómer, laj Magog, laj Maday, laj Jabán, laj Tubal, laj Mesek ut laj Tirás.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Ezequiel 39:1

“At kaamel winq, aatina laj Gog sa' ink'ab'a' ut ye re: «Jo'ka'in xye li Qaawa': Yo injosq'il aawik'in, a Gog, xnimalat ru aj taqlanel sa' xb'eeneb' laj Mesek ut laj Tubal.

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Isaías 29:24

Eb' li sachalkeb' xna'leb', te'xtaw ru, ut eb' laj wech'onel te'xtzol li xtijb'aleb'”.

Isaías 18:7

Chiruheb' li kutan a'an taayeechi'imanq jun li mayej cho'q re li Nimajwal Yos xb'aaneb' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil, a' li tenamit jwal kaweb' rib' chi yalok ut sutsuukeb' xb'aaneb' li nima'. Te'xk'am chaq xmayejeb' sa' li tzuul Sión b'arwi' naloq'oniik ru li Qaawa', li Nimajwal Yos.

Isaías 2:16

sa' xb'eeneb' li jukub' re Tarsis ut sa' xb'een chixjunileb' li jukub' neke'k'amok chaab'il eechej.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

1 Crónicas 1:11

Laj Misrahim a'an xyuwa'eb' chaq laj Lud, eb' laj Anam, eb' laj Leab, eb' laj Naftuj,

1 Crónicas 1:7

Eb' li ralal xk'ajol laj Jabán a'aneb': laj Elisá, laj Tarsis, laj Kitim ut laj Rodanim.

Génesis 10:13

Laj Misrahim a'an xyuwa'eb' chaq laj Lud, eb' laj Anam, eb' laj Leab, eb' laj Naftuj,

Génesis 10:4

A'aneb' a'in li ralal xk'ajol laj Jabán: laj Elisá, laj Tarsis, laj Kitim ut laj Rodanim.

Génesis 9:27

Li Yos chixnimob'resi taxaq xwankil laj Jafet, chihilanq taxaq sa'eb' li xmuheb'aal laj Sem ut chikanaaq laj Kanahán cho'q aj k'anjel chiru a'an!”.

Génesis 10:22

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Isaías 42:12

Che'xnimaaq xloq'al li Qaawa', che'xpuktesiiq resil li xwankil toj sa'atqeb' li tenamit li wankatqeb' chire li palaw.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Jeremías 46:9

Taqlahomaqeb' chi yalok eb' li kawaay ut xchapaqeb' raanil chi kaw eb' li b'eleb'aal ch'iich'; xikaqeb' li jwal kaweb' rib' chi yalok: xchapaqeb' li xkolb'al rib' eb' laj Etiopía ut eb' laj Libia, jo' ajwi' eb' laj puub' aj Lidia li neke'kutuk chi chaab'il rik'in simaj.

Ezequiel 32:26

“Wank arin Mesek ut Tubal, rochb'eeneb' chixjunileb' laj puub', chi xsutam li xmuqleb'aaleb'. Chixjunileb' a'in xe'kamk sa' li raaxiik' chi maak'a'eb' xpaab'aal, xb'aan naq xe'roksi xxiweb' li yo'yookeb'.

Ezequiel 39:6

Tintaqla li xam sa' xb'een li xna'aj laj Magog ut sa' xb'eeneb' li tenamit wankeb' sa' tuqtuukilal, chire li palaw. Toja' naq taanawmanq naq laa'in li Qaawa'.

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Sofonías 3:10

Toj junpak'al eb' li nima' re Etiopía tole'tz'aamanq ut tole'elajinq chiwu eb' li walal ink'ajol li cha'cha'inb'ileb', ut te'xk'amatq chaq xmayejeb'.