Isaías 66:16 - Q'eqchi Bible

¹⁶ Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

Li Santil hu

¹⁶ Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.

Isaías 66:16 ပူးပေါင်းရင်းမြစ်များ

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Isaías 3:13

Xwakli chaq li Qaawa', ak xaqxo chi raqok aatin sa' xb'een li xtenamit.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 31:8

Toja' naq taa'oso'q Asiria chi q'esnal ch'iich', ab'an maawa' xb'aan xwankilal junaq winq. Ut wi eb' laj Asiria te'eleliq chiru li q'esnal ch'iich', te'chape'q ut te'k'ehe'q cho'q mun.

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Jeremías 25:31

Li xyaab' xkux li Qaawa' taa'ab'imanq xb'aaneb' chixjunil li poyanam, toj sa' xmaril li ruuchich'och', xb'aan naq li Qaawa' ok re chi xjitb'al chixjunileb' li poyanam; A'an taaraqoq aatin sa' xb'een chixjunileb' li tenamit ut tixsach ruheb' chi ch'iich' li ink'a' useb' xna'leb', chan li Qaawa'»”.

Jeremías 25:33

Chiru li kutan a'an, eb' li te'k'ehe'q chi kamk xb'aan li Qaawa' t'anaxinq te'kanaaq sa' chixjunil li ruuchich'och'; maajun taayaab'aq chirixeb', maajun taamuquq reheb' ut t'anaxinqeb' chiru ch'och' jo'kaqeb' li k'ot.

Jeremías 45:5

Maak'a' aj e naq yookat xsik'b'al xnimal aawankil. Maasik' chik, xb'aan naq ok we chi xtaqlankil xninqal rahilal sa' xb'eeneb' chixjunileb' li poyanam. A'ut laa'at tinkol laayu'am, a' yaal b'ar tatxik. Laa'in, li Qaawa', ninyehok re a'in»”.

Jeremías 46:15

K'a'ut naq x'elelik laj Apis leeyos? K'a'ut naq ink'a' xkanaak chi xaqxo sa' xna'aj? Xb'aan naq a' li Qaawa' xt'anok re.

Ezequiel 5:15

Tathob'e'q ut tatmajewaaq xb'aaneb' li tenamit sutsuukat wi'. Naq tinraqoq aatin sa' aab'een rik'in linjosq'il ut xninqal rahilal, chixjunileb' te'xtaw xyaalal -chan li Qaawa' Yos-.

Ezequiel 38:17

«Laa'in, li Qaawa', ninye chi jo'ka'in: Ma maawa' tab'i' laa'at li kinye chaq junxil naq kin'aatinak chi xtz'uumal reheb' linpropeet re Israel, aj k'anjeleb' chiwu? Chiru k'iila chihab' eb' a'an ke'xye resil chi junxilaj naq laa'in tatintaqla chaq chi yalok rik'ineb' laj Israel».

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Amós 7:4

A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Nahum 3:3

Wankeb' chaq chirix kawaay eb' laj puub'; ut jwal neke'lemtz'unk chaq li xq'esnal ch'iich' ut eb' li xjutz' ch'iich'. K'ajo' xk'ihaleb' li xe'tiq'e'k, k'ajo'eb' li kamenaq, maak'a' rajlankileb': eb' li poyanam neke'tichk'okje'k chiruheb' li kamenaq.

Nahum 3:15

Us ta tatk'ihanq jo' laj saak' malaj tattamq ta jo' laj raxq'een, tat-oso'q xb'aan li xam aran ut tatsache'q rik'in q'esnal ch'iich'.

Zacarías 14:5

Ut laa'ex tex'eleliq sa' li nimla taq'a, xb'aan naq li xtaq'ahil li tzuul taawulaq toj Yasol; tex'eleliq jo' keb'aanu naq kixk'e li hiik sa'eb' li kutan naq kiwank chi awab'ejil laj Osías arin Judá. Ut taachalq li Qaawa' linYos, rochb'eenaqeb' chaq chixjunileb' li xsant.

Isaías 34:2

K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Ezequiel 28:18

K'ajo' naq xnumtaak laamaa'usilal ut li xlab'alil aach'ool naq xatyakok. Xasacheb' ajwi' xwankil eb' li na'ajej nakatloq'onink wi'. Toja' naq aawik'in xwisi li xam xsachok aawe, tik cha xatinkanab' sa' xb'een li ruuchich'och' chiruheb' li jo'k'ihal neke'ilok aawe.