Isaías 66:1 - Q'eqchi Bible

¹ Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Li Santil hu

¹ Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Isaías 66:1 ပူးပေါင်းရင်းမြစ်များ

Hechos 17:24

“Li Yos li kiyiib'ank re li ruuchich'och' ut chixjunil li wank chisa', a'an ajwi' laj eechal re li choxach'och'. Ut a'an ink'a' nahilank sa' ochoch yiib'anb'il rik'in uq'ej,

1 Reyes 8:27

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

Salmos 132:7

Yo'qeb' wan wi' li xmuheb'aal li Qaawa', ut qahupub' qib' rub'el roq rub'el ruq'!

Salmos 11:4

Li Qaawa' wank sa' li xloq'laj ochoch, li Qaawa' wank xk'ojarib'aal sa' li choxa; naril chaq chixjunil li ruuchich'och' ut naxk'e reetal chixjunil li qab'aanuhom.

2 Crónicas 6:18

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

1 Crónicas 28:2

Toja' naq laj David kixaqliik ut kixye: “Ab'ihomaq li tinye eere, ex was wiitz'in ut intenamit: Laa'in wank sa' inch'ool xkab'lankil jun li ochoch b'arwi' taak'eemanq li xLoq'laj Kaaxil li xSumwank li Qaawa' ut a'anaq li na'ajej b'arwi' li qaYos taahilanq. Ak kawresinb'il chik chixjunil li taak'anjelaq cho'q re a'an,

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!

San Mateo 24:2

Ut li Jesus kixye reheb': —Nekeril chixjunil a'in, pe' yaal? Relik chi yaal ninye eere: ink'a' taakanaaq arin pek chi xb'een pek chi ink'a' ta taajuk'manq.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

San Mateo 12:6

A'ut laa'in ninye eere naq li wank arin jwal nim xwankil chiru li rochoch li Yos.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

2 Crónicas 2:5

Ut li ochoch ok we xkab'lankil nimaq chi us, xb'aan naq li qaYos jwal nim chiru chixjunileb' li jalanil yos.

Isaías 60:13

“Chixjunil li xloq'al Líbano taachalq aawik'in -chan li Qaawa'-: eb' li saqichaj, li yaw ut eb' li xchaq'alil ru li che' te'chalq re xch'ina'usinkil ru li wochoch, re xk'eeb'al xloq'al li na'ajej ninwank wi'.