Isaías 64:2 - Q'eqchi Bible

² Wi ta te'xnaw laak'ab'a' eb' li xik' neke'ilok aawe, te'xk'ul raj jo' naq na'ok xxamlel li chaqipim malaj nawoqxink li ha' xb'aan xtiqwal li xam. Eb' li xninqal ru tenamit te'ok raj xxiw chawu,

Li Santil hu

² Cuben chak ut cꞌut la̱ cuanquil chiruheb li xicꞌ nequeꞌiloc a̱cue. Ut eb li xni̱nkal ru tenamit sicsotkeb teꞌcana̱k cha̱cuu. Chanchan nak naloch li xam ut nacuokxin li haꞌ xban xtikcual.

Isaías 64:2 ပူးပေါင်းရင်းမြစ်များ

Salmos 99:1

Li Qaawa' na'awab'ejink, ut neke'xiwak eb' li tenamit. Nak'ojlaak sa' xb'eeneb' li kerubín, ut na'eek'ank chixjunil li ruuchich'och'.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

Isaías 37:20

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li tenamit sa' ruuchich'och' naq ka'ajwi' laa'at li Qaawa', li tz'aqal Yos”.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Isaías 63:12

ut kirochb'eeni rik'in li xnimal xwankil? Kixjach ru li palaw sa' wiib' chiruheb' re naq nawnooq li xk'ab'a' chi junelik;

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Salmos 83:13

Eb' a'an xe'xye: “Qachapaq cho'q qe li reechanihom li Yos!”.

Salmos 79:10

K'a'ut naq te'xye eb' li poyanam: “B'ar wank li xYoseb'?”. Chak'ut taxaq chiqu, sa' xyanqeb' li poyanam, naq laa'at nakaweeqajuni li xkik'eleb' laj paab'anel.

Salmos 9:20

Waklin, at Qaawa', ut minumtaak li winq sa' aab'een, chiraqmanq aatin sa' xb'eeneb' li tenamit chawu laa'at.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Amós 4:12

“Jo'kan naq juntaq'eet ajwi' tinb'aanu eere, ex aj Israel. Kawresihomaq eerib' chi xk'ulb'al li Qaawa' leeYos sa' li raqb'a aatin, ex ralal xk'ajol laj Israel”.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Zacarías 14:4

Sa' li kutan a'an li Qaawa' tixxaqab' li roq sa' xb'een li tzuul Oliiw, li wank sa' xka'yab'aal Jerusalén, sa' releb'l li saq'e. Ut li tzuul Oliiw taajache'q sa' xyi, chalen sa' xjayal releb'l saq'e ut sa' rokeb'l, ut jun nimla taq'a taatehonq aran: jun jachal li tzuul taakanaaq sa' xjayal releb'l iq' ut li jun jachal chik taakanaaq sa' xjayal xsak'leb' iq'.

Isaías 28:21

Li Qaawa' taayaloq jo' kixb'aanu sa' li tzuul Perasín, ut tixk'ut xjosq'il jo' naq kijosq'o'k sa' xtaq'ahil Gabahón, re naq tixb'aanu li xninqal xb'aanuhom: tixb'aanu chi tz'aqal re ru li xk'uub'ahom, us ta a'an q'axal ch'a'aj xtawb'al ru.