Isaías 61:9 - Q'eqchi Bible

⁹ Q'axal nawnooq ruheb' li ralal xk'ajol xb'aaneb' li tenamit, ut chixjunileb' li te'iloq reheb' te'xk'e reetal naq a'aneb' jun tenamit osob'tesinb'il xb'aan li Qaawa'.

Li Santil hu

⁹ Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Isaías 61:9 ပူးပေါင်းရင်းမြစ်များ

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Salmos 115:14

Li Qaawa' chik'ihob'resinq taxaq eere, laa'ex jo'wi' leeralal eek'ajol!

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

Isaías 65:23

Ink'a' chik te'xtawasi rib' chi k'anjelak chi maak'a' rajb'al, chi moko te'kamq li ralaleb' chi toj saajaqeb', xb'aan naq osob'tesinb'ilaqeb' a'an rochb'eeneb' li ralal xk'ajoleb': a'anaqeb' jun tenamit osob'tesinb'il xb'aan li Qaawa'.

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 66:22

“Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Malaquías 3:12

Toja' naq chixjunileb' li tenamit te'xye naq osob'tesinb'ilex, xb'aan naq k'ajo'aq chik xch'ina'usal leena'aj”, chan li Nimajwal Yos.

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.