Isaías 61:11 - Q'eqchi Bible

¹¹ Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

Li Santil hu

¹¹ Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Isaías 61:11 ပူးပေါင်းရင်းမြစ်များ

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.

Isaías 45:8

“Ex choxa, chehoy chaq li k'ajob'; ex choql, chetaqla chaq li tiikilal. Chitehonq li ch'och' ut chiruuchin li kolb'a ib'; rochb'eenaq a'an chi'atz'umaq li tiikil ch'oolej. Laa'in, li Qaawa', ninyoob'tesink re a'in”.

Cantares 4:16

Ajsi aawu, at iq' li nakatchalk chaq sa' releb'l iq', kim, at iq' li nakatchalk sa' xsak'leb' iq'! Apunqex sa' li xna'aj li wawimq, re naq taa'elq chaq li xsununkil. Chichalq linrahom sa' li xsahil na'aj ut chixtzekaaq ta li jwal sa xlowb'al!

Salmos 85:11

Li rahok ut li yaal xule'xtaw rib', li tiikilal ut li tuqtuukilal xule'xq'alu rib'eb';

San Mateo 13:23

Li ki'awmank sa' chaab'il ch'och' a'an li narab'i li Aatin ut naxtaw ru; a'an na'uuchink: wan naxk'e o'k'aal, wan oxk'aal ut wan chik lajeeb' xka'k'aal li junjunq chi iyaj”.

San Mateo 13:3

Ut naab'al li na'leb' kixye reheb' sa' jaljookil ru aatin. Kixye chi jo'ka'in: “Ki'elk jun aj awinel chi awk.

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Salmos 72:16

Numtajenaqaq li awimq sa' ruuchich'och', heetanqeb' sa' xb'eeneb' li loq'laj tzuul; chi'uuchinq ut chituxmeq li ch'och' kama' li tzuul Líbano, chiwanq triiw kama' li pim sa' li tzuultaq'a.

Salmos 72:3

Eb' li tzuul ut eb' li b'ool te'xk'am ta chaq li tuqtuukilal ut tiikilal re li tenamit.

San Mateo 13:8

Wan chik iyaj kinaqk sa' chaab'il ch'och' ut ki'uuchink; wan kixk'e o'k'aal, wan oxk'aal ut wan chik lajeeb' xka'k'aal.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Isaías 45:23

Sa' xk'ab'a' linloq'al xinye injurament, sa' we x'elk li tz'aqal yaal, jun li aatin xaqxooq xwankil chi junelik: «Chixjunileb' te'xwiq'ib' rib' chiwu, chixjunileb' te'yehoq jurament

Isaías 45:24

ut te'xye naq ka'ajwi' rik'in li Qaawa' wank li tiikilal ut li wankilal». K'ajo'aq xxutaaneb' naq te'sutq'iiq chaq wik'in jo'k'ihaleb' li xik' neke'ilok we.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 48:18

Jwal us raj naq xapaab' linchaq'rab'! Li xsahil aach'ool q'axal yo raj chi k'iik jo' junaq nima', ut laawosob'tesinkil jo' raj xnimal li xkawil roq li palaw.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Génesis 1:11

kixye chi jo'ka'in: “Chiwanq che'k'aam chiru li ch'och': a' li pim li taawanq riyajil ut eb' li che' li te'uuchinq ut te'wanq riyajil sa' ruuchich'och', a' yaal chanru li xpaayil”. Ut jo'kan ki'uxk.

Isaías 62:2

Toja' naq chixjunileb' li tenamit te'ril li xtiikilal laach'ool ut chixjunileb' li awab'ej te'xka'ya laaloq'al. Ak' k'ab'a'ej tate'xk'ab'a'in wi', a' li taak'ehe'q aawe xb'aan li Qaawa'.