Isaías 61:10 - Q'eqchi Bible

¹⁰ K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Li Santil hu

¹⁰ Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 61:10 ပူးပေါင်းရင်းမြစ်များ

Filipenses 3:9

ut tintawe'q rik'in, maawa' rik'in xtiikilal linch'ool li nachalk rik'in li Chaq'rab', rik'in b'an li nawank sa' xk'ab'a' xpaab'ankil li Kriist, a' li nachalk rik'in li Yos xb'aan li paab'aal.

Salmos 132:9

Eb' laj tij li neke'k'anjelak chawu che'xtiqib' rib' rik'in tiikil ch'oolej, ut eb' laawamiiw che'xjap reheb' xb'aan xsahilaleb' xch'ool.

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

Salmos 132:16

Tintiqib' eb' laj tij rik'in kolb'a ib'; k'ajo' naq te'xjap re laj paab'anel xb'aan xsahilaleb' xch'ool.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Isaías 49:18

Taqsi laawilob'aal ut ilon chasutam: chixjunileb' a'in yookeb' chi ch'utlaak ut xe'sutq'iik chaq wi' chik aawik'in. “Laa'in li Qaawa' ninye injurament naq chixjunileb' a'in chanchanaqeb' junaq lemtz'il q'ol, jo'kaqeb' li xsahob' ru junaq tuq'ixq ok re chi sumlaak.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Gálatas 3:27

Relik chi yaal naq jo'k'ihalex li ak kub'enaq eeha' re li Kriist, xetiqib' eerib' rik'in li Kriist.

San Lucas 15:22

“Ab'an li yuwa'b'ej kixye reheb' li xmoos: «K'amomaq chaq chi junpaat li chaab'il aq'ej ut tiqib'omaq. K'ehomaq xmatq'ab' chi ru'uj ruq' ut k'ehomaq xxaab' chi roq.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

2 Crónicas 6:41

“Waklin, at Qaawa' Yos, kim sa' laasantil hilob'aal, laa'at ut li Loq'laj Kaax, reetalil laawankilal! Eb' laj tij li neke'k'anjelak chawu, at Qaawa' Yos, che'xtiqib' rib' rik'in kolb'a ib', ut eb' li neke'paab'ank chawu che'reek'a xsahilaleb' xch'ool.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

Habacuc 3:18

ab'an laa'in taasaho'q linch'ool rik'in li Qaawa', k'ojk'ooq li waanm rik'in li Yos laj kolol we.

1 Samuel 2:1

Lix Ana kitijok chiru li Yos ut kixye chi jo'ka'in: “K'ajo' naq nasaho'k linch'ool rik'in li Qaawa', nintaqsi linjolom sa' xk'ab'a' linYos, sa nekeb'inse'e li xik' neke'ilok we. Laa'at xinaakol: k'ajo' xsahil li waanm!

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Apocalipsis 21:9

Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Salmos 28:7

Li Qaawa' a'an linkawilal ut li xkolb'al wib'; k'ojk'o linch'ool rik'in, ut A'an xinxtenq'a: k'ajo' naq nasaho'k li waanm! Rik'in linb'ich tinyoxinq ut tinloq'oni ru.

Zacarías 10:7

Eb' laj Efraín kama'aqeb' li kaweb' rib' chi yalok. Q'axal te'saho'q sa' xch'ool jo'aqeb' li xe'uk'ak b'iin; ut naq te'ril a'an, te'saho'q ajwi' xch'ool eb' li ralal xk'ajol. K'ajo' naq te'yoxinq chiru li Qaawa'.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Nehemías 8:10

Laj Esdras kixye ajwi': “Ayuqex ut tzekahomaq li k'aru jwal chaab'il, uk'anqex ut taqlahomaq jun wa'alaq xtzekemqeb' li maak'a' wankeb' re. Xb'aan naq jwal loq' li kutan a'in ut q'axtesinb'il cho'q re li Qaawa' li qaYos. Miraho'k leech'ool, xb'aan naq li sahil ch'oolej li nachalk rik'in li Qaawa' a'an li xkawub' leech'ool”.

Génesis 24:53

Chirix chik a'an kirisi chaq li aq'ej ut k'a'aq re ru yiib'anb'il rik'in oor ut plaat, ut kixk'e re lix Rebeka. Jo'kan ajwi' kixk'e xmaataneb' li ras ut li xna'.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Li xHu LAJ JOB 29:14

Sa'eb' li kutan xnumje'k nintiqib' wib' rik'in li tiikilal, ut nink'e li chaab'ilal jo' inb'aatal ut xlanb'al linjolom.

Salmos 35:9

K'ajo' naq taasaho'q linch'ool rik'in li Qaawa'; sa chik tinwanq xb'aan naq xinaakol.

Cantares 1:10

K'ajo' xch'ina'usal eb' laako sa' xyanqeb' laaka'xik, jwal ch'ina'us laakux sa' xyanqeb' li q'ol!

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 48:18

Jwal us raj naq xapaab' linchaq'rab'! Li xsahil aach'ool q'axal yo raj chi k'iik jo' junaq nima', ut laawosob'tesinkil jo' raj xnimal li xkawil roq li palaw.

Isaías 49:4

Xb'aan naq laa'in kink'oxla: “Maak'a' aj e naq xinyal inq'e chi k'anjelak, yal xintawasi wib' chi maak'a' rajb'al”. Ab'anan ninb'aanu link'anjel sa' xk'ab'a' li Qaawa' ut linq'ajkamunkil wan chaq rik'in linYos.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Isaías 58:14

Wi taab'aanu chi jo'kan, taasaho'q laach'ool wik'in ut tatink'am cho'q aj q'axol u sa' xb'eeneb' li najt xteramil tzuul re li ruuchich'och'. Ut tatinch'oolani rik'in li reechanihom laj Jakob, laayuwa'. Laa'in, li Qaawa', xinyehok re a'in”.

Isaías 65:18

Sahoqex ut chiwanq nimla sahilal chi junelik xb'aan li k'aru tinyoob'tesi: ok we chi xyoob'tesinkil jun ak' Jerusalén nujenaqaq chi sahil ch'oolej. Ut numtajenaqaq li xsahilal xch'ooleb' li te'wanq aran.

Ezequiel 42:14

Naq eb' laj tij te'ok sa' li xsantil ochoch li Qaawa', ink'a' chik te'elq chaq, wi maji' te'xkanab' li raq'eb' li xe'k'anjelak wi' chiru li Yos, xb'aan naq sant ajwi' li raq'eb'. Naq te'q'axonq rik'ineb' li poyanam, tento naq jalan chik li raq'eb' te'xk'e chirixeb'”.

Zacarías 3:5

K'ehomaq chi xjolom junaq chaab'il sut”. Tikto ke'xk'e raq'ul li ninq'ehik chirix laj Josué ut ke'xk'e chi xjolom li chaab'il sut. Chirix chik a'an li x'ánjel li Qaawa' li wank chi xaqxo, kixye re laj Josué: “K'e reetal naq ink'a' xink'e sa' inch'ool laamaak”, chan.