Isaías 60:9 - Q'eqchi Bible

⁹ A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Li Santil hu

⁹ Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 60:9 ပူးပေါင်းရင်းမြစ်များ

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Isaías 2:16

sa' xb'eeneb' li jukub' re Tarsis ut sa' xb'een chixjunileb' li jukub' neke'k'amok chaab'il eechej.

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Gálatas 4:26

A'ut li Jerusalén wank taqe'q a'an ach'ab'anb'il ut a'an li qana',

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Gálatas 3:26

Xb'aan naq chejunilex ralal xk'ajolex li Yos sa' xk'ab'a' xpaab'ankil li Kristo Jesus.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Zacarías 14:14

Toja' naq eb' laj Judá te'chalq Jerusalén chi yalok rik'in chixjunileb' li tenamit wankeb' chi xsutam, ut te'xmaq' chixjunil li xb'ihomaleb', jo' li oor, li plaat ut naab'alaq li b'aatal.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Isaías 60:4

Taqsi laawilob'aal ut ilon chasutam: chixjunileb' a'in xe'xch'utub' chaq rib' ut yookeb' chi chalk aawik'in. Eb' laawalal te'chalje'q chaq toj chi najt ut eb' laarab'in te'k'ame'q chaq chi q'unq'u.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Isaías 43:4

Xb'aan naq jwal loq'at cho'q we laa'in, q'axal terto aatz'aq ut nakatinra. Tink'eheb' li poyanam ut eb' li tenamit cho'q aaweeqaj re xkolb'al laayu'am.

Proverbios 18:20

Li junjunq tixk'ul xq'ajkamunkil a' yaal chanru li xyehom ut xb'aanuhom.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

1 Reyes 22:48

Laj Josafat kixyiib' ajwi' xjukub'eb' jo' li ke'wank aran Tarsis, re raj xik sa' li na'ajej Ofir chi k'amok oor, ab'an ink'a' kiwulak aran xb'aan naq eb' li xjukub' ke'juk'e'k aran Esión-Kéber.

1 Reyes 10:22

xb'aan naq li awab'ej wank xjukub'eb' re Tarsis rochb'een li xjukub'eb' laj Jirán, ut rajlal ox ox chihab' neke'k'ulunk eb' li jukub' aran Tarsis ut neke'xk'am chaq oor, plaat, marfil, eb' li b'atz' ut eb' li chakak.

1 Reyes 10:1

Li xna'eb' li tenamit Sabá kirab'i resil li xchoxahil na'leb' laj Salomón ut koho Jerusalén chi xyalb'al rix rik'in patz'om jwal ch'a'aj xsumenkil.

1 Reyes 8:41

“Jo'kan ajwi' laj ab'l tenamit, li maawa' aj Israel ut xchalk chaq sa' najtil tenamit chi tijok sa' li ochoch a'in sa' laak'ab'a' laa'at

Josué 9:9

“Sa' najtil tenamit xoochalk chaq sa' xk'ab'a' li Qaawa' laaYos -chankeb'-. Xqab'i resil li kilajxb'aanu chaq aran Ejiipt,

Éxodo 33:19

Kichaq'ok li Qaawa': “Laa'in tinnumsi chixjunil li wusilal chaka'yab'aal ut tinye aawe link'ab'a'. Xb'aan naq nawusilaheb' li nawaj rusilankileb', ut nawuxtaanaheb' li nawaj ruxtaanankileb'.

Génesis 9:27

Li Yos chixnimob'resi taxaq xwankil laj Jafet, chihilanq taxaq sa'eb' li xmuheb'aal laj Sem ut chikanaaq laj Kanahán cho'q aj k'anjel chiru a'an!”.

Salmos 48:7

Sachaamileb' xch'ool ut aakaneb' aj chik, jo'keb' chaq jun li ixq ok re chi alank,

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Isaías 60:6

K'iila kameey te'chalje'q chaq sa'eb' li tenamit Madián ut Efá; chixjunileb' te'chalq chaq sa' xteepal Sabá ut te'xk'am chaq naab'al li oor ut k'ajpom, yooqeb' chi xpuktesinkil resil li xwankilal li Qaawa'.

Ezequiel 39:7

Tink'e chi nawe'k linsantil k'ab'a' sa' xyanq lintenamit Israel, ut maajoq'e chik tinkanab' chi muxe'k link'ab'a'; ut eb' laj ab'l tenamit te'xnaw naq laa'in li Qaawa', li xSant laj Israel.

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

Miqueas 7:12

Chalk re li xq'ehil naq te'chalq aawik'in naab'aleb' li tenamit chalen Asiria toj Ejiipt, chalen li nima' Nilo toj chire li Éwfrates, chalen chire li palaw jun toj chire li palaw jun chik, chalen li k'iche' jun toj chire li k'iche' jun chik.

Salmos 97:1

Li Qaawa' na'awab'ejink, chisaho'q sa' xch'ool li ruuchich'och', che'saho'q jo'k'ihaleb' li tenamit sutsuukeb' xb'aan li palaw!

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.