Isaías 60:4 - Q'eqchi Bible

⁴ Taqsi laawilob'aal ut ilon chasutam: chixjunileb' a'in xe'xch'utub' chaq rib' ut yookeb' chi chalk aawik'in. Eb' laawalal te'chalje'q chaq toj chi najt ut eb' laarab'in te'k'ame'q chaq chi q'unq'u.

Li Santil hu

⁴ Qꞌuehomak retal li cꞌaꞌru yo̱ chi cꞌulma̱nc. Eb le̱ tenamit yo̱queb chixchꞌutubanquileb rib re nak teꞌxic cuiꞌchic saꞌ xtenamiteb. Eb le̱ ralal e̱cꞌajol yo̱queb chi cha̱lc saꞌ najtil tenamit.

Isaías 60:4 ပူးပေါင်းရင်းမြစ်များ

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 49:18

Taqsi laawilob'aal ut ilon chasutam: chixjunileb' a'in yookeb' chi ch'utlaak ut xe'sutq'iik chaq wi' chik aawik'in. “Laa'in li Qaawa' ninye injurament naq chixjunileb' a'in chanchanaqeb' junaq lemtz'il q'ol, jo'kaqeb' li xsahob' ru junaq tuq'ixq ok re chi sumlaak.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Hechos 13:44

Sa' li sábado jun chik ke'ch'utlaak kach'in chik maa chixjunil li tenamit chi rab'inkil Raatin li Yos.

San Juan 4:35

Ma ink'a' tab'i' nekeye laa'ex: «Kaahib' po chik maa nawulak xq'ehil li q'olok»? Ut laa'in ninye eere: Taqsihomaq leerilob'aal ut ilomaq li awimq; ak xq'ano'k, ak us chik xq'olb'al.

San Mateo 8:11

Ninye eere naq naab'aleb' te'chalq sa' releb'l ut sa' rokeb'l saq'e, ut tole'hilanq sa' meex rochb'eeneb' laj Abrahán, laj Isahak ut laj Jakob, sa' li xnimajwal wankilal li choxa;

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Miqueas 7:12

Chalk re li xq'ehil naq te'chalq aawik'in naab'aleb' li tenamit chalen Asiria toj Ejiipt, chalen li nima' Nilo toj chire li Éwfrates, chalen chire li palaw jun toj chire li palaw jun chik, chalen li k'iche' jun toj chire li k'iche' jun chik.

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Isaías 49:17

Sa' junpaat te'chalq li te'waklesinq aawe ut te'elq aawik'in eb' li xe'juk'uk ut xe'sachok aawe.