Isaías 6:4 - Q'eqchi Bible

⁴ Naq ki'ab'iik li xyaab' kuxej a'an, eb' li roqechal li okeb'aal ke'eek'anje'k sa' xna'ajeb', ut li kab'l kinujak chi sib'.

Li Santil hu

⁴ Ut xban xya̱b xcuxeb, queꞌecꞌan saꞌ xnaꞌajeb li rokechal xpuertil li templo ut quinujac li sib saꞌ li templo.

Isaías 6:4 ပူးပေါင်းရင်းမြစ်များ

Apocalipsis 15:8

Ut li santil ochoch kinujak rik'in xsib'el li xloq'al ut li xwankil li Yos: maa'ani naruhank chi ok sa' li santil ochoch toj te'raqe'q li wuqub' chi rahilal wankeb' rik'in li wuqub' chi ánjel.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Ezequiel 10:5

Toj chirix li kab'l na'ab'imank li xyaab' li xxik'eb' li kerubín naq neke'xik'ank, chanchan wi' naq li Nimajwal Yos yo chi aatinak chi kaw xyaab' xkux.

2 Crónicas 5:13

Toja' naq sa' komonil ke'ok chi xyaab'asinkileb' li tronpeet ut chi b'ichank chi junaj xyaab' xkuxeb', re yoxink ut xnimankil xk'ab'a' li Qaawa', rik'in xyaab'asinkileb' li xtronpeet, eb' li xtzojtzoj ut li xkomon xwajb'eb'; yookeb' ajwi' chi xb'ichankil: “Chenima ru li Qaawa', xb'aan naq a'an q'axal chaab'il ut li xrahom wank chi junelik”. Sa' ajwi' li honal a'an li rochoch li Yos kinujak rik'in jun li choql.

Éxodo 40:34

Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

Ezequiel 1:24

Toja' naq kiwab'i naq neke'xik'ank, chanchan wi' xyaab' li b'ut'iha', kama' wi' li xyaab' xkux li Nimajwal Yos. Naq neke'b'eek, xiwajel li xyaab'eb', kama' xyaab' jun nimla yalok; naq neke'xaqliik, neke'xkub'si li xxik'eb'.

Ezequiel 41:16

tz'aptz'o ruheb' chi tz'alamche'. Chixjunileb' li b'entaan li wankeb' xreex, eb' li okeb'aal chi xsutameb' li oxib' chi k'ojar, tz'aptz'ookeb' ru chi tz'alamche'. Jo'kan ajwi' li na'ajej chalen chi ch'och'el toj sa'eb' li b'entaan, ut li xb'een li junjunq chi okeb'aal, tz'aptz'o ruheb' chi tz'alamche'. Li xtz'akul li rochoch li Yos chisa' ut chirix,

Ezequiel 44:4

Chirix chik a'an kinxk'am sa' li okeb'aal li wank sa' xjayal releb'l iq', chiru li loq'laj ochoch. Aran kink'e reetal naq li xloq'al li Qaawa' ak xnujob'resi li ochoch, ut laa'in kinwiq'laak ut kinhupub' wib' chiru ch'och'.