Isaías 6:2 - Q'eqchi Bible

² Ut sa' xb'een A'an xaqxookeb' wiib' chi ánjel sutsuukeb' xb'aan li xam; li junjunq wank waqitq xxik': junq sumal li xxik' neke'xtz'ap wi' li xnaq' ruheb', junq sumal tz'aptz'ookeb' wi' li roqeb' ut li junq sumal chik a'an neke'rupupik wi'.

Li Santil hu

² Ut saꞌ xbe̱n cuanqueb li serafines, chanchaneb li ángel. Cuakitk xxiqꞌueb li junju̱nk; cuib lix xiqꞌueb nequeꞌxtzꞌap cuiꞌ li ruheb, cuib nequeꞌxtzꞌap cuiꞌ li rokeb ut cuib nequeꞌxicꞌan cuiꞌ.

Isaías 6:2 ပူးပေါင်းရင်းမြစ်များ

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Ezequiel 1:11

Hirho li xxik'eb' taqe'q; wiib' neke'xk'ul rib' ut li wiib' chik neke'xtz'ap wi' rib'eb'.

Salmos 104:4

Nakak'eheb' li iq' cho'q aataql laa'at ut li raq'xam cho'q aj k'anjel chawu.

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

Isaías 6:6

Toja' naq jun reheb' li ánjel kichalk wankin wi', ut kixk'am chaq li ru xam li kixxok chaq sa' li artal rik'in jun li chapleb' ch'iich'.

Salmos 18:10

Li Qaawa' xsalab' li choxa ut xkub'e chaq chi wan chaq q'oqyinkil choql rub'el roq.

1 Reyes 6:24

Li junjunq chi xxik' li kerubín nab'isok ox ox b'aar. Chalen chi ru'uj li xxik' jun toj chi ru'uj li jun chik nab'isok oxib' moqoj.

Apocalipsis 14:6

Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Apocalipsis 7:11

Ut chixjunileb' li ánjel li xaqxookeb' chire li k'ojarib'aal, chi xsutam eb' li cheekel winq ut li kaahib' chi yo'yookeb', ke'xhupub' rib' chiru li nimajwal k'ojarib'aal ut ke'xloq'oni li Yos,

Daniel 7:10

Ut chiru a'an kipujk'uk chaq jun li xam, chanchan li roq nima' naq nab'eek. K'iila o'q'ob' chi tenamit yookeb' chi k'anjelak chiru li cheekel winq a'an ut k'iila o'q'ob' chik xaqxookeb' aran. Toja' naq ke'k'ojlaak eb' laj raqol aatin ut ke'xte eb' li hu.

Ezequiel 10:21

Li junjunq wank kaapak'al li ruheb' ut kaaka xxik'eb', ut wank jun ruq' poyanam rub'el xxik' li junjunq.

Ezequiel 1:24

Toja' naq kiwab'i naq neke'xik'ank, chanchan wi' xyaab' li b'ut'iha', kama' wi' li xyaab' xkux li Nimajwal Yos. Naq neke'b'eek, xiwajel li xyaab'eb', kama' xyaab' jun nimla yalok; naq neke'xaqliik, neke'xkub'si li xxik'eb'.

Ezequiel 1:9

Li xxik'eb' neke'xk'ul rib' chirib'ileb' rib'; ut naq neke'b'eek, ink'a' neke'q'ajk chirix, junes chiruheb' b'an neke'xik.

Ezequiel 1:6

Li junjunq wank kaapak'al li ruheb' ut kaaka xxik'eb'.

Li xHu LAJ JOB 15:15

Ink'a' ajwi' k'ojk'o xch'ool li Yos chirixeb' li x'ánjel; chi moko li choxa ch'ajob'resinb'il chiru A'an.

Li xHu LAJ JOB 1:6

Sa' jun kutan, naq eb' li ánjel koxe'ch'utlaaq rik'in li Qaawa', kichalk ajwi' laj tza sa' xyanqeb'.

1 Reyes 22:19

Toja' naq kixye laj Mikeas: “K'e reetal, ab'i li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

1 Reyes 8:7

Eb' li kerubín helho li xxik'eb' sa' xb'een li xna'aj li Loq'laj Kaax jo'wi' sa' xb'eeneb' li che' napaqomank wi'.

1 Reyes 6:27

Laj Salomón kixk'e eb' li wiib' chi kerubín a'in sa' li q'axal Sant li wank chisa' li ochoch. Helho li xxik'eb' li kerubín: li xxik' li jun naxtoch' ru li tz'ak junpak'al, ut li xxik' li jun chik naxtoch' ru li junpak'al chik, ut eb' li wiib'eb' chik neke'xk'ul rib' sa' xyi li ochoch.

Éxodo 37:9

Eb' li kerubín helhookeb' li xxik' sa' xb'een re xmuheelankil li xtz'apb'al, neke'xka'ya rib' chirib'ileb' rib' naq yookeb' chi ilok sa' xjayal li xtz'apb'al xb'een li kaax.

Éxodo 25:20

Ut helhooqaqeb' li xxik' sa' xb'een. Rik'ineb' a'an te'xmuheela li xtz'apb'al, ut te'xka'ya rib' chirib'ileb' rib' naq yooqeb' chi ilok sa' xjayal li xtz'apb'al xb'een li kaax.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

Li xHu LAJ JOB 4:18

Li Yos ink'a' naxk'ojob' xch'ool chirixeb' laj k'anjel chiru wankeb' sa' choxa, ut a'atqeb' ajwi' li x'ánjel naxtaw xmaakeb'.

1 Reyes 19:13

Naq kirab'i a'in laj Elías, kixtz'ap li ru rik'in li xb'atb'al, ki'elk sa' li ochoch pek ut kikanaak chi xaqxook sa' li okeb'aal. Toja' naq kirab'i jun xyaab' kuxej li kixye re: “K'aru yookat arin, a Elías?”.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Génesis 17:3

Toja' naq laj Abrán kixhupub' rib' ut ki'aatinaak xb'aan li Qaawa' chi jo'ka'in:

Hebreos 1:7

Chirixeb' li ánjel naxye: “A'an naxtaqlaheb' li ánjel jo'keb' li iq', ut eb' laj k'anjel chiru jo'keb' li raq'xam”.

San Lucas 1:10

Chixjunileb' li k'iila tenamit wankeb' chi tijok chirix kab'l sa' xhonalil xk'atb'al li pom.

Zacarías 3:4

Toja' naq li ánjel kixye reheb' li xaqxookeb' chiru: “Isihomaq li tz'ajn aj aq' li wank chirix ut k'ehomaq li raq'ul li ninq'ehik chirix.

Daniel 9:21

naq laj Gabriel, li kiwil ru sa' moy u xb'enwa, narupupnak naq kichalk chink'atq sa' xhonalil li ewuukil mayejak.

Ezequiel 10:16

Naq eb' li kerubín neke'b'eek, neke'xik ajwi' eb' li sursu; ut naq neke'taqe'k sa' iq', eb' li sursu ink'a' neke'kanaak.

Ezequiel 1:4

Toja' naq kiwil jun kaqsut-iq' kichalk chaq sa' xjayal releb'l iq'. Kiwil ajwi' jun nimla choql yo wi' chi elk li xam ut nareplotk li raq'kaaq sa' xyi a'an.

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.