Isaías 6:12 - Q'eqchi Bible

¹² toj te'isiiq chixjunileb' li poyanam xb'aan li Qaawa' ut yamyotq tkanaaq li xna'ajeb'.

Li Santil hu

¹² Toj tintaklaheb chi najt chixjunileb li cristian toj retal ta̱cana̱k li tenamit chi ma̱cꞌaꞌ chic cuan.

Isaías 6:12 ပူးပေါင်းရင်းမြစ်များ

Jeremías 4:29

Xb'aan xyaab' xkuxeb' li k'iila aj puub' jo'eb' ajwi' li neke'kutuk rik'in simaj, chixjunileb' li poyanam te'xkanab' li na'ajej wankeb' wi': wankeb' te'eleliq sa'atqeb' li k'iche', wankeb' chik te'lochte'eq chiruheb' li saqoonak. Nakirirnak te'kanaaq chixjunileb' li tenamit ut maajun chik taatawmanq aran.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Lamentaciones 5:20

K'a' tab'i' naq toosachq sa' laach'ool chi junajwa? K'a' put naq toohaatz'eqtaana chiru chixjunil li qayu'am?

Jeremías 15:4

Tink'eheb' chi xiwak chixjunileb' li tenamit sa' ruuchich'och' xb'aan li maak kixb'aanu aran Jerusalén laj Manasés, ralal laj Esekías, awab'ej re Judá.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Isaías 26:15

At Qaawa', laa'at xak'e chi k'ihank laatenamit: xak'ihob'resiheb' re naq taanawmanq ru laawankilal ut xatiq ru li xnub'ajlil li qana'aj.

2 Reyes 25:21

Ut a'in kixtaqla xkamsinkileb' aran Riblá, sa' xteepal Jamat. Jo'ka'in naq eb' laj Judá ke'k'ame'k sa' jalanil tenamit, najt rik'in li xtenamiteb'.

2 Reyes 25:11

Chirix chik a'an laj Nebusardán, xjolomileb' laj puub', kirisi jo'k'ihaleb' chik ke'kanaak sa' li tenamit, eb' li ke'okenk chirix li awab'ej re Babilonia, jo' ajwi' eb' li xkomoneb' li tenamit.

Romanos 11:15

Xb'aan naq wi rik'in naq ke'tz'eqtaanaak eb' laj Judiiy, kik'ame'k wi' chik sa' usilal li ruuchich'och' xb'aan li Yos, ma toja' ta chik li rokikeb' sa' li paab'aal? A'an chanchanaq xwaklijikeb' wi' chik chi yo'yo eb' li kamenaq!

Isaías 5:9

Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

Isaías 13:12

Ink'a' chik k'ihaqeb' li winq sa' ruuchich'och' chiru li chaab'il oor; ink'a' chik naab'alaqeb' li poyanam chiru li oor re Ofir.

Sofonías 1:3

Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.