Isaías 6:1 - Q'eqchi Bible

¹ Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

Li Santil hu

¹ Saꞌ li chihab nak quicam li rey Uzías, chanchan matqꞌuenbil quinba̱nu nak quixcꞌutbesi rib li Ka̱cuaꞌ chicuu. Quicuil nak cꞌojcꞌo saꞌ xbe̱n jun cꞌojariba̱l saꞌ jun naꞌajej najt xteram ut ma̱ cꞌajoꞌ xchakꞌal ru. Ut quinujac li rochoch li Dios riqꞌuin li rakꞌ.

Isaías 6:1 ပူးပေါင်းရင်းမြစ်များ

San Juan 12:41

A'in kixye laj Isaías xb'aan naq kiril li xnimal xloq'al ut ki'aatinak chirix.

Apocalipsis 15:8

Ut li santil ochoch kinujak rik'in xsib'el li xloq'al ut li xwankil li Yos: maa'ani naruhank chi ok sa' li santil ochoch toj te'raqe'q li wuqub' chi rahilal wankeb' rik'in li wuqub' chi ánjel.

Daniel 7:9

“Naq toj yookin chi ilok, ke'kawresiik eb' li k'ojarib'aal, ut jun cheekel winq kik'ojlaak aran. Q'axal saq li raq', jo' tawi' li ratz'amke; ut jwal saqsaq li rismal xjolom jo' li saqi tuuxnoq'. Li xk'ojarib'aal ut eb' li roq, a'an jo' tz'aqal li xam.

Salmos 113:5

Ani ta chik jo' li Qaawa' li qaYos? A'an nak'ojlaak toj taqe'q,

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Salmos 108:5

xb'aan naq nim chik laarahom chiru li choxa, ut li xtiikilal laach'ool nawulak toj sa'eb' li choql.

Apocalipsis 4:2

Sa' junpaat kinreechani li Musiq'ej, ut xwil jun li nimajwal k'ojarib'aal wan chaq sa' choxa, ut jun li k'ojk'o sa' xb'een li k'ojarib'aal.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

1 Reyes 22:19

Toja' naq kixye laj Mikeas: “K'e reetal, ab'i li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Ezequiel 10:1

Moqon chik kiwil naq sa' xb'een li kupku li wank sa' xb'eeneb' li kerubín wank kama' jun k'ojarib'aal yiib'anb'il rik'in pek safiro.

Ezequiel 1:1

Ak oob' kutan xtiklajik li xka po re li lajeeb' xka'k'aal chihab', naq wankin chaq chire li nima' Kebar, sa' xyanqeb' li ke'k'ame'k aran Babilonia, kitehonk li choxa chiwu ut kiwil ru li Yos sa' moy u.

Isaías 12:4

ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Apocalipsis 6:16

ut ke'xye reheb' li tzuul ut reheb' li saqoonak: “T'anenqex chaq sa' qab'een ut muqumaqo chiru li k'ojk'o sa' li xnimajwal k'ojarib'aal ut chiru li xjosq'il li Karneer!

2 Reyes 15:7

Naq laj Asarías kiq'ajk kisutq'iik rik'ineb' li xxe'toonil yuwa', kimuqe'k sa' xyanqeb' li xna' xyuwa' sa' xtenamit laj David, ut a' chik laj Jotán li ralal ki'ok chi awab'ejink sa' xna'aj.

Apocalipsis 5:7

Ut a'an kolxchap li hu wank sa' xnim uq' li k'ojk'o sa' li nimajwal k'ojarib'aal.

Apocalipsis 4:3

Li k'ojk'o aran, a'an kama' li pek jaspe xk'ab'a' ut li kornalina; ut jun li kaqlaaq' nasutuk re li xnimajwal k'ojarib'aal kama' li esmeralda.

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

2 Crónicas 18:18

Toja' naq laj Mikeas kixye: “K'ehomaq reetal, ab'ihomaq li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

Ezequiel 10:4

Toja' naq li xloq'al li Qaawa' ki'elk sa' xb'eeneb' li kerubín ut koxkanaaq sa' li okeb'aal; li santil ochoch kinujak rik'in li choql, ut kilemtz'uno'k li xloq'al li Qaawa' chiru li neb'aal.

Daniel 10:17

Chanru naq tin'aatinaq aawik'in, at inqaawa'? Laa'in maak'a' chik inmetz'ew ut inmusiq'».

Éxodo 24:9

Laj Moisés kitaqe'k chiru li tzuul rochb'eeneb' laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel.

Li xHu LAJ JOB 42:5

Junxil xinnaw ka'ajwi' li k'aru xe'xye chawix; ab'an anaqwan xwil aawu.