Isaías 57:9 - Q'eqchi Bible

⁹ “Xkohat rik'in laj Molok ut xak'am naab'al li aseeyt jo'wi' sununkil b'an. Yalaq b'ar xataqlaheb' laataql, toj sa' xb'alb'a xak'eheb' chi kub'eek!

Li Santil hu

⁹ Quexco̱ex chi najt riqꞌuin li rey ut quecꞌam le̱ sununquil ban nak quexco̱ex. Quetaklaheb le̱ takl yalak bar. Chanchan nak quexco̱ex saꞌ xnaꞌajeb li camenak chixsicꞌbal le̱ naꞌleb.

Isaías 57:9 ပူးပေါင်းရင်းမြစ်များ

Ezequiel 23:16

“Yal kiril li xjalam uheb' a'an chiru li tz'ak, kixrahi ruheb' ut sa' junpaat kixtaqlaheb' aj yehol esil aran Babilonia;

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Ezequiel 23:40

“Chirix chik a'an ke'xtaqla xb'oqb'aleb' li winq toj chi najt ut, naq ke'k'ulunk eb' a'an, ke'atink, ke'xb'on rix li ruheb' ut ke'xk'e xsahob' ru li ruq'eb' re xk'ulb'aleb' li winq.

Ezequiel 16:33

Chixjunileb' li neke'yumb'eetak, neke'q'ajkamuuk; ab'an laa'at ink'a', xq'ajkamunkileb' chik li neke'rahink aawu kab'aanu ut katojeb' chi yo'oon re naq yalaq b'ar te'chalq chaq chi maakob'k aawik'in.

Isaías 2:9

Xe'xkub'si li xwankileb' ut xe'wiq'laak chiruheb' li jalanil yos. Jo'kan naq maakuyeb' xmaak, at Qaawa'.

Proverbios 7:17

xink'e ajwi' sununkil b'an chiru, yiib'anb'il rik'in miir ut kaneel.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.