Isaías 57:14 - Q'eqchi Bible

¹⁴ Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.

Li Santil hu

¹⁴ Ut ta̱abima̱nk nak li Ka̱cuaꞌ tixye: —Chisukꞌi̱k cuiqꞌuin lin tenamit. Yi̱bomak li be ut ti̱cobresihomak ru. Ut isihomak chixjunil li cꞌaꞌru naramoc re lix beheb lin tenamit.—

Isaías 57:14 ပူးပေါင်းရင်းမြစ်များ

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Isaías 40:3

Jun xyaab' kuxej yo chi xyeeb'al: “Tuqub'omaq ru junaq b'e cho'q re li Qaawa' sa' li chaqich'och', helomaq ru junaq nimb'e cho'q re li qaYos sa' li joxk' na'ajej.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

1 Corintios 8:13

Jo'kan utan, wi li tzekemq taaluktesinq xch'ool li was wiitz'in, maajoq'e tintzekanq tib' chiruheb', re naq ink'a' tinluktesi xch'ool li was wiitz'in.

Romanos 14:13

Jo'kan naq miqawech'i chik qib' chiqib'il qib'; a'in b'an chek'oxla: naq meek'e xtichk'ob'aaleb' malaj xt'anleb'aaleb' leeras eeriitz'in.

Hebreos 12:13

tiikob'resihomaq li nekexb'eek wi', re naq li yeq ink'a' tixtoq li roq, chik'iraaq b'an.

2 Corintios 6:3

Maajun wa naqaluktesi xch'ool anihaq, re naq ink'a' te'xwech' rix li qak'anjel.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

1 Corintios 8:9

Ab'anan chek'ehaq reetal: meeluktesi xch'ooleb' li toj q'uneb' sa' li paab'ank xb'aan naq neketzeka a'in.

Salmos 68:4

A'ut eb' laj paab'anel neke'saho'k ut neke'b'ichank chiru li Yos xb'aan xsahilaleb' xch'ool.

Isaías 49:11

Laa'in tintehoq b'e sa' chixjunileb' li k'iche' ut taatuqub'aaq ru chixjunil li b'e ak wank”, chan li Yos.