Isaías 56:2 - Q'eqchi Bible

² Us xaq re li poyanam li naxb'aanu chi jo'kan ut junelik naxk'e xch'ool chi xk'anjelankil ru a'an: a' li na'oxloq'ink li sábado ut ink'a' naxsach xwankil, li naxra rib' chiru li xb'aanunkil li maa'usilal”.

Li Santil hu

² Us xak reheb li nequeꞌxba̱nu li cꞌaꞌru ninye. Tincuosobtesiheb li nequeꞌx-oxlokꞌi li hiloba̱l cutan ut incꞌaꞌ nequeꞌxmux ru. Ut tincuosobtesiheb li incꞌaꞌ nequeꞌxba̱nu li ma̱usilal, chan li Ka̱cuaꞌ.

Isaías 56:2 ပူးပေါင်းရင်းမြစ်များ

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Salmos 112:1

Aleluya! Us xaq re li naroxloq'i li Qaawa' ut q'axal nasaho'k sa' xch'ool rik'in xpaab'ankil li xchaq'rab'!

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

Ezequiel 20:20

Santob'resihomaq linhilob'aal kutan ut a'anaq jun qeetalil chiqib'il qib', re chinawmanq naq laa'in li Qaawa' leeYos, chankin.

Éxodo 20:10

ab'an li xwuq kutan a'an hilob'aal kutan sa' xk'ab'a' li Qaawa' laaYos. Maajun li k'anjel truuq taab'aanu: laa'at, laawalal, laarab'in, li winq ut li ixq li neke'k'anjelak chawu, laaketomq, chi moko laj ab'l tenamit li wank sa' eeyanq.

San Juan 13:17

Wi nekenaw a'in, us xaq eere wi teeb'aanu chi jo'kan.

Salmos 106:3

Us xaq reheb' li neke'wank sa' tiikilal, a'eb' li neke'b'aanunk li us chi junelik.

Proverbios 16:17

Li tiikeb' xch'ool xik' neke'ril li maa'usilal; neke'xk'e reetal li xb'aanuhomeb' re naq te'xkol rix li xyu'ameb'.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.

Proverbios 14:16

Li wank xna'leb' nak'oxlak ut naxkol rib' chiru li ink'a' us; a'ut li maak'a' xna'leb' ink'a' naxiwak ut maak'a' naraj re.

Proverbios 4:27

Maajal laab'e, chi moko sa' laanim uq' chi moko sa' laatz'e uq' tatxik; ut junelik wanqat sa' tiikilal.

Proverbios 4:13

Chap aawib' chi kaw rik'in li nink'ut chawu, ut maawach'ab' chik; k'uula sa' laach'ool xb'aan naq a'an laayu'am.

Salmos 119:101

Xwisi wib' sa' xb'ehil li maa'usilal re naq tink'uula sa' li waanm laawaatin.

Levítico 19:30

“Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

Éxodo 20:8

“Jultikaq aawe li sábado re naq taasantob'resi.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

San Lucas 12:43

Us xaq re li moosej a'an li toltawe'q chi xb'aanunkil a'in naq tol'elq laj eechal re.

Isaías 56:6

Ut eb' laj ab'l xtenamit li xe'xq'axtesi rib' re li Qaawa' cho'q aj k'anjel chiru re xraab'al li Yos ut k'anjelak chiru, wi te'roxloq'i li sábado ut ink'a' te'xmux ru, wi kawaqeb' xch'ool rik'in linsumwank,

Salmos 128:1

B'ich re li taqsink. Us xaq reheb' li neke'roxloq'i li Qaawa' ut neke'xtaaqe chixjunileb' li xb'e.

Salmos 37:27

Kol aawib' chiru li maa'usilal ut b'aanu li us, ut junelik wanq junaq aamuheb'aal,

Salmos 34:14

Chara li ru'uj aawaq' chiru li ink'a' us, miwank li tik'ti' sa' xtz'uumal aawe;

Nehemías 13:17

Toja' naq keb'inq'us chi kaw li wankeb' chi jolomink re Judá ut kinye reheb': “K'ajo' xyib'al ru yookex naq nekemux li kutan sábado!

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

Isaías 56:4

Xb'aan naq jo'ka'in kixye li Qaawa': “Wi eb' li kapun te'oxloq'inq li sábado ut te'xb'aanu li nawulak chiwu, wi junelik te'xpaab' linsumwank,

Eclesiastés 7:18

Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.